Bi kilmek Dinya ser o de hetkaro haştîwaz û demokrat, panc parzemîn, da çewres welat û bi seyan bajar û bajarokan de reyde hema her herunîya kurd de qabe Roja Kobanê de amî têhet.
Kobanê, şoreşger û demokrate cîhane ard têhet. Ona bi. Yew seserra welatî kurd Kurdistan bîyo lete-lete, her lete de kurd defane jenosîde bi. Dişmenî kurd narey dormaleyê Kobanê gêreno. Çaremîne dewleta deshelat sey astorî truva weşerî yew seserr Kurdistan de zor û zext kerd. Dinya kor ewnîya, goşî xo pa da. Malesef bê çend kesî bi vîjdan kes awir nêda Kurdistan. Hetane ke kard resa hesti, hetane ke haysîyetê merdimahî weradîya, hetane ke kurdîy Şengalî qir bî, hetanê ke dormale Kobanê dorpeç bi.
Bade seserra, çîmî sekuleran newe ya bi. Tehdîtî DAIŞ ra pey Dinya newe şoreşîya Rojawan vîna. Merdimahî newe yew îrade beyan kerd. Va qabe Kobanê her caye de çalakî... Tabî ke no qebul xo bi xo nîbî. Şervanan YPG û YPJ Kobanê de yew destan nuşt. Bîy qasîdî haşîtî û demokrasî. Bîy omidî şarî Rojhelatê Mîyanên. Oxro, qehremanîya ciwanan kurd, heq û edalet ard vîra merdiman. Şervanan kurd fedekarî mojna merdimahî. Şoreşgeran yew pergalo demokratîk ard vîra merdiman.
Roja Kobanê ra pey sebi? Kurdistan şinasîya. Dinya cesaretî kurd vîna. Perspektîfî Ocalan ami nirxnayiş moderneteya demokratîk qebul vîna. Kurd pê qiwetî xo hesîya. PYD û şoreşîya Rojawan şinasîya, muatap bî. Munasebetî DAIŞ û Tirkîya tescîl bi. Fam bi, bê kurdan gemarîya Rojhelatê Mîyanên pank nêbena. Kurd bî aktor, kurd bi mifte demokrasî u haştîya Rojhelatê Mîyanên. Çetegêra DAIŞ zî şinasîya. Bi ters, tedîp, tehdît û îlhaqî xo şinasîya. Bi gunîwerî xo, bi bênamusîya bî sosretîya xo şinasîya.
Mesajî Roja Kobanê zî îna bi. ‘Kobanê tena nîya, şaro kurd tenanîyo, ma bi Kobanê ra yî, ma şervanan silam kenî, Dinya qabe merdimahî û Kobanê henverê DAIŞ a... bîjî Kobanê.’ Roja Kobanê de hele yew pankart hîna manîdar bi. Yew îqaz bi. ‘Nika Kobanê de qetlîam est o. Gelo haya ti est a!’ Roja Kobanê roja ka xeyrîn bî. Goreyê nerîna min, Dinya Roja Kobanê de rastîya şaro kurd vîna. Rastîya îradeyê serdemo mîyanên, çetegera DAIŞ şinasna.
Dinya de her kes rastîya Rojawan vîna, pergalî kantonan şinasna. A rastîya rast dinya de her kes qiwetî şaro kurd vîna. Roja Kobanê kurd zî xo hesîya...
Mistafa ŞAHÎN