Îta de mend tena 18 roj. Ya şarî Tirkîya hetkarî danî yewbîn, reyê xo danî xo, reyê xo danî Partîya Haşîtî ya Demokratîk (HDP). Yanî ya şar xo rê yew bero xeyrîn a keno, verê xo dano holî, haşîtî û demokrasî. Ya Tirkîya bena yew welato demokratîk, kesê bindest ê stenbar benî azad û kêmar reseno hek û hikukî xo. Ya zî netew-dewleta nijadperest hîna bena totalîter, hîna bena otorîter. 

 7’ê hezîran îna her hetê ra roja krîtîk a. Na roj de qederî Tirkîya tayîn bena. Qabî pêvajoya çareserî zî krîtîk yew roja. Ya mutabakatî Dolmabehçe kuno merîyet, na roj bena roja roşanî şaran. Yenozanayiş a roja mutabaqat zî qase roje weçînahî mihîm yew roj bî. Rojeka despêkî bî. Çimkî dora yewîn sîyasî hereketa kurd yew cayo fermî de, ofîsa serekwezîr Dolmabahçe de metnî Ocalan “despêkî yew omido newe” bi dekleresyonî teklîfî raya pêro Tirkîya kerd. Kurd, tirk reyde Tirkîya de her kêmar pê nê no mutabaqat weşhalbi. A roj Tirkîya de her keso bi eqlo selim bi terefî no mutabaqatî. Terefo demokrat na roj roja ku seserra neweşîya kronîk paradîgmaya netew dewlet rişîya, vîna. Şar zerrweşbi va, ferzkerdişî tekperestî rişîya. Bi rastî Tirkîya na rojê de verbi raştîya xo têverî bi. La na weşhalî zaf nêramit. Serekomar Erdogan qabe ewlehîya xo statûya xo ya serektî bi adir verêdîya şaro kurd û şaranê Tirkîya. Hereketa sîyasî ya kurd bî hedef. Temînati netewan û kemnetewan birêz Ocalan bi hedef. Hina bi domdarî tecrît de yo. Malesef no xo ferzkerdiş Tirkîya vist tarî. Tirkîya wext vînî kerd. Tirkîya sinerjîya xo vînî kena. 

 Hef ke meseleya mak, meseleya kurd agerya despêk, agerya sere. Hef ke Tirkîya de terefo demokrato eqlo selîm pe bê îstîkrarîya serekomar Erdogan, verbi stratejîyeka newe rî bi rî mend. Her kes no keso pragmatîst ra behs keno. Ewro her kes serekomar Erdogan nirxneno.

 Serra 2011’in serekwezîrî o wext Erdogan mîtîngî Amedî de vat: “No welat de meseleyê kurd est a. Hes kenê na mesele ra Vaşûrê rojhelat ya Anatolîya vaje, şima çi namê kenê bikerên. Hetana kamcî wext, ma na mesela meşgul benîy.” 

Ewro zî vano:  “Meseleyê kurd çîn a. Kamî ke vajo meseleya kurd est a, o yew cîyabaz o.” Rebre pe ne vatenan xo hendêk sermest beno qisan xerîban vano, Tirkîya keno teref bi teref, lete bi lete. Yew qiseyê xo de îna vano: “Şima kamî, kamcî teref ra yî? No welat de yew sarre yew dewlet est a. Dewlete û welatî yew mese de nênuşenî ro. Îna yew mese zî çîn a. Henverê dewlete de keso ku a mese de ronişo çîn o. Roja ke na mese bêro ronayiş a roj bena penî Komara Tirkîya…”

 Her kes zano werte de yew mese est a. Hîrê aşmîya hurdhemê hetê mese de terefî est îy. Bi defana ameyê têhet, nê komxebatan de mutabaqato tarîxî bi hazir. Namê na mese bî ‘Meseya haşîtî, çareserîya demokratîk.’ Kî Tirkîya bî şahît benate hetan de dîyalog virazîya. Xebat amî koordîne kerdin. Sekreterya amede bi. Kesî heyete belu bî. Netîce se bi? AKP û şurekaya ê dirust nîyê, rîyakarî kerd. Çimkî mutabaqat û pratîkî AKP seypê nîyê. AKP dijî mutabaqat hereket kena. Şaro kurd, şarê Tirkîya 7’ê hezîranê de bi nîyeta hol, do şêro ser sandoqan.


Mustafa ŞAHÎN