Herb de ters û xof zaf mihîmo. Dismen wazeno ke xof û ters zerre jûbîn kere. Kamke tersenû, endî qewga keno vindî. Herb de nîre vane berjina psîkolojî. Kamke ters da dismenê xu, moralî deyî berjo. Xorê é quvenê xu esto.

Dewleta tirkî her woxt ters û xof kerdo zerrê muxalîfone xu. Îye ke tersene vere dismene xo de yenê ceku ser, vile xu verê dismenê xo de kenê çewt. Îrade xu kenê vind. Na woxt ra tepiya kî (zî) teslim benê. Dismen ke sevano, ê endî ane hurinde.   Hata ke mîlet ters xu serra nê eşt, saba dismen ters û xof zaf metodê rindo. Hama mîlet ke xu serra ters û xof est, û woxt, ters û xof kunno zerré dismen, dismen endî îflah nêbeno. 

Na dîroka şoresgerê tirkiya de kî esta, soresgerê kurmoncû de kî esta. Mahîr, Denîz, Îbrahîm bê ters şî merdene. Dêsê tersû riznayî, ora tepîya hereketê soresgerîye tirkiya bi girs, bi qewetin. Kurdistan de kî henîyo. Seyît Riza, o ke Dersim de hêsir ame gurêten ciré vatî, “teslîm bê, ma tu af kênime.” Seyit Riza cerara ci, înere vat, mi çiyo dê henen nêkerd ke, ez sima ra af buwacî. Bi xu si dare, uza de û vat, “ez sima verde namu zoniwû ser, nû sima rê dert bo.” Niya ters û xof zerre xora est tever, ters kerde zerre dismon. 

Wexto (oxto) ke cunta amiye, xorte û soresgerê kurmoncu estî hepisû. Zindone Amed kerd pir. Dismen wast ke, na hêpis de kurmoncu teslîm bicero. Giroteyê kurmoncu rê vat, ya teslîm bê, ya kî sima kisen me. Ebe kistene wast ters zerre tepişteyê kurmoncu kere. Hên teslim bicere. 

Mazlum Dogan vecîya vat, “sima ma ebe merdenê wazenê teslîm bicerê, wazenê ebe kistenê bi tersine. Ma merdene ra nî tersen me, ma kistena sima ra nî tersen me. Eke kistene deste dişmende çekose, ma î çekî dişmên dest ra bicermê.” Roja 21ê Adarê de conê xu feda kerd. Na çêk destê dişmen ra guret. Ebe na nûmayişe  ters û xof vist bin û vat “Berwedan jiyana.” Kes ke mordemîna xu keno vînd, qiymetê biyanê endî nêmaneno. Peydona Ferhat Kurtay bi hewalone xu, xu vesna, înan kî vat; “Na kille, killa xelesiyana, awe me piskinê pira, na killê girs kere, na killê xora mekere. Peydona roce merdenê guret. Kemal Pir bi hewalê xu Mehmet Hayrî Dûrmûş keseykenê jûbînde. Kemal Pîr vano; “ez bimira ke kurmonc endî ra wurze. Serê xu wodarê.” 

Xona aqilemîdera. Sûrûç de eyî çend kistî. Ju dayika kirmoncu cere ra vat, “quneka î gencû, î meymonê ma bî, ma inka maya piye dinere ci vacimî, kaska bombey lewe ma de bitekîyene.” 

Kirmoncu ters û xof niya kist, niya ard ceku sêr. Çodir ewru sekuno kurmoncû de cinî, canûk, doman, cêney, xort pero piya serhildan dere, pero piya sonê dismen ser, kirmoncu ewrû ters û xof vist bin. Dismon çodir kirmoncura terseno. Kirmonc endî dewleta tirk ra nî tersene. Dewlete wa kirmoncu ra biterso. 

Ewru sûkone kurmoncu veşnenê. Hete tirkiya de veng çîno, zaf senik vecîno. Mîletî garb xona ters û xof xu serra nî esto. Xona tersenê. Xona xof zerrî înê de esto. Wexto ke gezî de vecîyayî rawû xolagû, mi vat mîletê tirkî kî ters xu serra est. Hin (wina) nêbi. Dewleta tirk Sûrûç de gencî qir kerdî, mîlete tirk ra vat, post kirmoncu mede, ya kî sima niya qir kon. Enqera de qir kerd vat, post kirmoncu mede, sima niya qir kon. Rojnamegerî guret pê, cirê vat, mi ver meveciye, sima con pê, erzon hepis. Vengê mûxalefet tirkiya de birna. 

Ters û xof kerd zerrê mîletê tirkiya. Hata ke mîletê tirkiya na ters û xof ra xu nêxelesna. Endî  nêskîno na hikûmatî rê muxalefet bikero. Ewro serva mîlleta tirkiya jew Mahîr, jew Denîz, jew Kaypakkaya lazimo. 


Ûsen GIRMIT