1 hezîran di, paytextê Urdun Amman di amey pêhet. Temsîlkarê 12 çoşmanê ciya ê kombiyayinî di ca girot. Nameyê PDK ser jî, Azad Berwarî tewr bi. Xebera xeylê dewlet û quwetan jî, ê kombiyayinî ra estbî.
Plan û hesabê tewrbiyayoxan ciya ciya bi. Ancax hedefê esasîn şoreşê Rojawan bi. Heveyan wastê hukumetê Nûrî El Malîkî birijnê û sunîstan ronê. Heveyan wastê Kerkuk destê YNK ra bigirê. La belê meseleya Şoreşê Rojawan di, pêro wayirê eynî fikirî bî. Rijnayinê Şoreşê Rojawan, planê esasî ê pêrin bi.
Coka ê kombiyayinê Amman di, qerarê lîminî girotî. DAIŞ bi ê destegê û planê lîmina, 11’ê hezîran di, bê jew gule biteqino, Mûsil girot. Gama siftayin a wayiranê planê lîmin resê hedefê xo. DAIŞ tanq, top, fuze, roket û tifîngê girdê Mûsil di vistî dest kirîştî Rojawan û Sûriye. Pey ra jî êrişê Kobanê kerd. YPG û YPJ o çax verniyê DAIŞ girot û nezdiyê Kobanê nêkerd. Tam o çax, tewrbiyayoxanê Ammanî ra Azad Berwarî jî, Şam di bi rayveranê rejîmiya pêdiyinî viraştê!
DAIŞ nay ser, peyser anciyê. Verê xo da Şengal. Çend saetan miyan di, Şengal û xeylê cayê Vaşûrê Kurdistanî îşgal kerdî. Îtîbarê pêşmerge girot lingan bin. Eki jû koma werdî ê HPG çinêbiyayê û YPG meresayê wija, Şengal açaryayê golê gunî. Estinê jû koma HPG û şiyayinê YPG, verniyê felaketê en gird ê tarîxa nezdî girot.
DAIŞ peyra jî verê xo da Hewlêr. Nay ser, kesê Azad Berwarî rîştibi ê kombiyayinê Amman û vera şoreşê Rojawan xendekî kenitî, heveyê mesele fam kerd. Goş da vengdayinê rayveranê KCK. Raya gerîla akerd. Şî ziyaretê gerîla û xoverdayinê gerîla ser serberzîna xo ard ziwan. Êrişê girdê didiyin ê vera Kobanê ser, vera DAIŞ gamê lazimî eştî. Pêşmerge û gerîla Vaşûr piya hereket kerd. Xeylê cay çeteyan ra girotiyay. En peynî di, Celewla çeteyan ra girotiyê. Darbeyê giranî diyay DAIŞ ro û îşaretê zimistanê siya ê DAIŞ diya dinyay.
Memed DREWŞ