Cenazeyê Murat Gunî ke bombevarnayîşê dewlete de bi 11 embazanê xo yê DHKCyîyan reyde resa şehadet, hona nêdîya pîyê ci Kemal Gunî. Gun o ke hona esteyê lajê xo nêgirot, hona Grevê Veyşanî de yo. Weşîya Apê Kemalî her ke şina bena xirab, la rixmê nayî aşkere keno ke, heta ke cenazeya lajê xo nêgîro, do nûmayîşa xo biramno.
Kemal Gun o ke 70 serreyî yo, 88 rojîyo tenya seba esteyanê lajê xo bigîro, Parka Seyîd Riza de Grevê Veyşanî de yo. Pêdîyayîşê Baroyanê Amed û Dersim bi walî û dozger ra dima, ame vaten ke cenaze do bîro dayen. La rixmê sozî averşîyayîşeke çin o.
Zey ke mesele hal bî damûsnenê
Kemal Gunî nêrazîbîyayîş na rewşê rê damûsna û wina va: “Sifte ame vaten ke cenaze dayê kargo. Dima ra vatî dê hona bidê kargo. Peycoy ma bi rayîra pawitoxan mûsay ke cenaze hona nêdayê kargo. Rîwalê îzahatê baroyan mîyanê civakî de fehmkerdişê ‘mesele amê halkerdiş’ akerd. Seba teslîmkerdişê cenaze kişta fermî ra teba nêame vaten û bi ma ra nêkewtîye qontax.
Bi zanabîyayîş derg kenê
Kemal Gun o 70 serreyî vist vîrî ke, eke biwazê êşkenê cenaze wextekê kilm de teslîmê ma bikerê û va, “Bi zanabîyayîş derg kenê. Tatîlê 19’ê Gulane zî ravêrîya. Wexto ke ê tatîl kenê ma zî ceza kenê. Kemal Gun o ke her ke şino problemê ci yê weşî benê xirab, ard ziwan ke, heta ke cenazeya lajê xo nêgîro, do nûmayîşa xo biramno.
DÎHABER/DERSIM