Şarê Tirkîya weçînayo peyînê (Weçînayo pêroyî) de zî narey îstîqamet da partîyan, îradeyo deshilatdaro tekperest îqaz herd vaşt lezgîn yew hikumato koalîsyon awan bikêre. Şar çiranê lezgîn yew hukimata koalîsyon wazeno? Şarê Tirkîya îrade xo ser hukimran nêwazeno. Şar zîhnîyetî seserran, tekperestan ra hesap perseno. Şar aqubetî pêvajoya çareserî perseno. Şar nêwazeno pêvajo akamete bibo, şar wazeno lezgîn haşîtîya mayîn de pêk bero.
Çiranê pêvajoya çareserî akamete bena? A roj sey ewro vîra ma de ya. Tarîx 28 Gaxan (Berfanbar) 2012, Rayverwezîrê o wexte Erdogan yew roportajî xo de ‘qabî çareserî kerdina meselê kurd, benatê Rayverî Kurd Abdulah Ocalan û hukimatî de pêvînayiş pêk yeno’ vat. A roj Erdogan verê rayapêroya de nek-newe yew merhalî ra behs kerd. Heta no merhaleyo newe zî ‘pêvajoya çareserî’ name kerd. A roj bê keso rantperwer û paramîlîter, û zîhnîyeto tekperest her welatî Tirkîya pe no merhaleyo newe weşhal bi. Omîdî şar zedîya. Bawerîya şarî bî xurt.
Çimkî a roj çekûya haşîtî bi vengeko berz vajîya. A roj reyna esa şarê Tirkîya qabe haşîtî amedeyo, haşîtî de bi israr o. Û sero de taybet weşerê hemwelatîyo kurd qabî rayvero hemden no pêvînayiş ra, pêvajoya çareserî ra zaf weşî bi ke wexto derg destêk da/dano. Weşî bi, va tecrîdî rayvero hemdem weradîyeno. Weşî bi, omid kerd rayvero hemdem zere şeş aşman de azade beno. Weşî bi rehîneyên sîyasî veradîyenê, kurdîy dîyaspora agerenê. Weşî bi pergalî Tirkîya beno zelal, Tirkîya bena demokratîk û her welatî Tirkîya beno seypê, heq edalet yeno bica. Şarê kurd weşî bi, va ser nameyê min, îrade min Rayverê Şarê Kurd Ocalan muxateb beno, wa azadîya Rayverê min azadîya min a, û ê welatî min a…
Malesef weşerê di serr û nim a, hîna pêvajoya çareserî yew zemîno qanunî de pêk nêami. Pêvajoya çareserî bi aweyeko qanunî seruber nîbi. Hêza azadî PKK û hukimat kamcî esasan ser yenî têhet, yew heyeta mabênder an zî çimder kamcî kesan ra pêk yena hef ke hîna dîyar nîya, Tirkîya no îdrak de zî nîya. Tecrubeyê cîhanê ra aşkerayo bê rola heyeta mabênder aşîtîya mayîn de seruber nêbena, malesef Tirkîya na raştî nêvînena. O ke ma heto kurd zanî, no pêvajo de şar zaf cîdî yo la hemver zî hendek têmîyanbîyaye yo. Hetek de PKK talebî şar ard bica, rayîrî pêvajo weçîna. Û xo hendek qabî haşîtîya nîhayî bi prensîbe kerda. Gulê nî teqna. Qismen gerîla ancît teberî sinoro gayrî meşru…
La no wexto dergo dila de gelo henver sekerd? Malesef a roj ra hetano ewro bê teşebûsîya provakatîf çîyêk nêkerd. Hema her herunîya Kurdistan de bendawe, qerekol û kalekol virazîye/virazeno. Birîna Parîs, Licê, Şengal û Kobanê sere zere ma de ya, hemwer zî birîna şarê kurd keneno. Rayvero hemdem hîna tecrît de yo. Nê rojanê de rojdemî şarî ma de azadîya birêz rayvero hemdem bi caya. Şar narey zaf cîdî yo, qetîyên êdî esaretîya Ocalan qebul nêkeno. Şar wazeno tecrît weradîyo.
Mistefa ŞAHÎN