Grûba Tîyatroyî Arêyê Kayî do bi kaya ‘Bekçî’ 23ê Hezîran de Londra de bivejyo vernîya temaşekaran.
Derhêner û kaykerê kaya “Bekçî“ Yilmazcan Şare ke rojnameyê ma ra qisey kerd, vist vîrî ke nezdîye 8 serrî yo ke kişta tîyatro de gureyanê xo ramenê. Şareyî da zonayen ke meqsedê ronayîşê kome vindîbîyayîşî ra xelesnayîşê kirmanckî yo.
Yilmazcan Şareyî hayr ant atlasê ziwanê ke bi talokeyê vindîbîyayîşî ra rî bi rî yê ke UNESCO 2009î de aşkere kerd ser û wina da zonayen ke ê wazenê bi rayîra tîyatro û kayî wayîrê kirmanckî bivejyê. Şareyî derheqê teqwîyê xo yê Londra de wina va: “Kaya “Bekçî“ ke do Londra de Tîyatroyê Întîmate de bîro damûsnayîş de, do hayr biancîyo rewşê kirmanckî ser.” Kaye qereqolêk de derbaz bena; cinîyêka extîyara ke ziwan nêzana, tim yena cîrananê xo gerre kena û na extîyare eynî wext de mabênê bekçî û komîserî de tercumanî kena.
23ê Hezîran de
Kaya ‘Bekçî’ do 23ê Hezîran de saet 18:00 de adresê de Întîmate Theatre de bîro damûsnayîş. Seba kaye kes şeno bîletî Dersim-Der ra peyda bikero.
SUNA ALAN / LONDRA