Yê na hukumatî hora armancê xo halkerdena na mesela çîno. Armancê xo teslîm guretena hereketê kurdan o.

Jê 2009 hona werte de tewa çîno. Herkes qesey keno, hukumat sene gamu erzeno, naye kes zelal nêzoneno. Muzakere, muzakere vanê, teyna kurdan ra game wazenê.
Eke mesela amê çeku caverdeyane, vanê “PKK gune çeku caverdo.”
Zovîna se vanê? Vanê “PKK gerîllayanê xo bionco başurê Kurdîstanî.”
Vanê “mordemêke rîwalê KCK ra erjiye hepisxanan ranêverdînê, çiyo niyanen çîno.”
“Ocalan rê serbestiye rojdemê ma de çîna.” Naye serokwezîrê tirk ra bije pêro sermiyanê hukumatî vanê.
Vanê “PKK adir bivandarno, dewlete, dewlet a, çeku ronênana.’ Onca PKK ra çiyê wazenê. Vanê “dewlete adir nêbirnena, çiyo niyanen nêbeno.” Yanî vanê, ‘heqa dewlete qetil kerdene rê, kistene rê esta.’
Xovîra nêkerîme: her roz azayanê PKK rusnenê jû welat. Ge rusnenê Avustralya, ge rusnenê Afrîka, ge rusnenê Avrupa. Yanî wazenê kurdan welatê kurdan ra tever kerê.
Hama qetilkaranê kurdan seveknenê, kes înan ne rusneno hepisxana, ne dugelade bîne, ne zî cira hesav pers keno.
Her game kurdan ra yena wastena, yanî teslîmbiyayena kurdan wajîna.
Destcikeredna serra 2013 ra nat hukumat û dewleta terorîste devam ra opersayonan virazena. Hem însanê kurdî qetil kena, hem zî erzena zîndanan. Tertelê kurdan hetê na dewlet ra bêmavên rameno. Binê nî şertan de her game Hereketê Serbestiye ra wastene bêvîjdanî ya, bêaqili ya. Kurdî hora her dem haştiye rê amadeyî bî û amadeyê. Nika gune na gamî dewleta gonewere bierzo.
Keso ke vano, “dewlete çeku ronênana, çike a dewleta” O nîzm o, gonî ra bara xo ceno.
Ala reye gosdê, heto jû ra vanê, ma wazeme mesala bi haştiye, qeseykerdene halbikerîme, heto bîn ra serokwezîrê dewleta terorîste vano: ‘Ez mesela kurdî nasnêken, çiyo niyanen çîno’.
Erdogan na vatîs heşte ra avê Dîlok-Nîzîp de ard ra zon. No mordemo niyanen se besekeno ebi na tore mesela halbikero!
Ez bara xorê na dewlete rê tîvar nêken, hama heto bîn ra zî van, keso ke haştiya de têduste û bi rumete nêwazeno, O zî nîzm o û gonî ra bara xo ceno.