Kurdistan de xoverdayişê xendekan, Artvîn de kî barîqatî ray nêdanê faşîzma dewleta Tirk. Gencê Lazî yê ke Stenbol de cuwyenê hayr antî xoverdayişê şaranê Laz û Kurdan ser.
Xoverdayişê xendek û barîqatan
Ceniya Laz ya bi nameyê Canan Ozyilmaz da zonayen ke, îxtidar pêhetameyişê şaran ra tersena, seba xo zey taloke vînena. Ozyilmaz aşkere kerd ke çarekerdin pêresnayişê xoverdayiş o. Ganî xoverdayişî açarniyê eynî veng û eynî reng.
Canan Ozyilmaz vera îxtidar hayr ant xoverdayişê Kurdistan û Cerrattepe ser û da zonayen ke Cerrattepe zey Gezî yê Behra Sîya yo. Ozyilmaz da zonayen ke biyayişê tewr gird yê Behra Siya xoza ya xo ya. Eke xoza ya xo vindî bikero, ziwanê xo zî vindî kena. Ozyilmaz seba xoverdayişê Kurdistan aşkere kerd ke, şarê Kurd bi xoverdayiş, bi bedel bî gird. Canan Ozyilmaz vist vîrî ke şarê Kurd Cerrattepe rind fam kena û va, ganî qîrayişê Dayika Hawa û qîrayişê ceniyê ke pey xendekan de yê biresê pê. Ozyilmaz peynî de ard ziwan ke ganî zey şarê bindest dest biderê destê jûbî.
Vera dewlet bibime jû
Welatijo Laz bi nameyê Adnan Avci Bucaklişi zî vist vîrî ke AKP venganê muxalîf ra tersena. Bucaklişi aşkere kerd ke ganî vera dewleta ke bi sîstematîk êrişê însan, xoza û pêrokîn ganiyan kena bibime jû. Bucaklişi da zonayen ke Artvîn badê xoverdayişê Cerrattepe hona rind fam kerd ke dewlet çi û kamî ya, qûwetê tîvarî xîzmetê kê kenê.
Adnan Avci Bucaklişi xoverdayişê Artvîn zey Gezî ya diyîn biname kerd û wina va: “Veriya ke berey bibo, ganî herkes cayê xo ra veng bido. Ma zimistaneka giran ravêrna. Bihar de him Kurdistan ra him kî Behra Siya ra do vera êrişan bi xoverdayişan cewab bîro.Bucaklişi peynî de wina va: “No wesar de ganî serva Cerrattepe û Cizîr rihekê enternasyonal roniyo. Ya ma dê Artvîn ra heta Sûr, Cizîr ra heta Îzmîr, Stenbol ra heta Wan no rihî ronê, ya kî ma dê çinî bibê”.
DÎHA/STENBOL