Cenazeya Harûn Aslanî hetê malbata ci Enqera ra girotîya û berdîya Amed. Cenaze hetê DBP û MEYADERijan berdîya qezaya Licê dewa Kerwas. Şêligî cenaze berd dewa Sisê, ‘Şehîtgehê Amed û Şehîd Hêvîdar’. Bi desan welatijê ke tewrê merasîm bî, bi slogananê “Şehîd nêmirenê”, “Raya Şehît raya ma PKK partîya ma” cenaze defin kerdî.
Leyla Basût zî Sêrt de hetê seyan kesan oxir bî. Cenazeya Basût zî hetê malbata ci Enqera ra girotîya û berdîya Sêrt. Bado ke Camîya Şêx Mûsa de ca ardişê wecîbeyanê dînî, cenazeya Basût Mezelxaneyê Şêx Mûsa de defin bî. Îdarekaranê HDP û DBP ra pîya xêlê welatijî tewrê cenaze bî. Seba Basût Taxa Bariş te serweşî yenê qebûl kerden.
DÎHA / AMED / SÊRT