“Xayîs” ke kitabê diyîn yê Aslanî yo verîya wextekê weşanxaneyê Aramî ra vejîya. Kitabê sifte “Hayig”î de Aslanî metodê sanikî tercîx kerd, la “Xayîs”î de bi cumleyanê kilmek fikir û vînayişê xo ardo ser zon. Aslan Xayîs’i hetê pozîtîfî zey halê ‘ser xo ra şîyayiş, bi nêzanayen ra raştameyiş’ tarîf keno. Xayîsbîyayen de wext û mekan çîno. Îstirihet û sikûnetê rihî (royî) yo. Xayîsbîyayen de ‘ez’ û ‘verhukum’ çîno. Halê bi enerjîya mutleq ra eleqe ronayen o.
Ganî zonê xo neqlê nifşanê newî bikeme
Mîkaîl Aslanî kombîyayişê da silasnayişê kitabê xo Navendê Kultur yê Mezopotamya de kerd. Aslan ke wenxodanê xo ra ame pêhet, kombîyayişî de tayî leteyan wend. Aslanî hayr ant sebebê bi kirmanckî nuştişê kitabî ser û va, kirmanckî vîrê civakekî yo.
Hunermend û nuştox Mîkaîl Aslanî aşkere kerd ke kultur û ziwan pîya ravey sonê. Aslanî va ganî ma her tim wayrê zonê xo bivejime û neqlê nifşanê newî bikerê.
Sohbetê bi wentoxan ra tepya Aslanî kitabanê xo da îmzekerdiş.
“Sodir ge be tîcî beno
ge be hewr
ge kî be varis beno
seba beytiko sodir
her dem sodiro
leqê kilamono.
***
Darîya nêmcete,
çatala kerrine,
pirtikê kûzike
kamo ke qedrê
khanonê xo
nêzaneno,
rocê êna,
beno motacê
thitikonê sarî"
DÎHA/STENBOL