Asma Gagan de vore virende zaf vorene, taye rocu ma nêskiyene vecime tever. Bije kou, gille kou ra amene cêr. Nî bijé kou hete ma de bimbareké. Gille koude pûko xedebo. Çim çimû nêvînene. Verg veseno, quzene. Kutik serd verra xu erzene pê cever, vergu verra terseneke xoré veciye vere cever.
Fadike û kale xo
Mi asma gagan ra zaf has kerdené. Asma Gagan de Galo û Fadike virastenê. Dewe de xortê dewe amene ju ca. Lawiko ju biyenê Kalik, lawiko binik biyenê Fadike. Gal qelewo, herdisa xu derg û spî ya. Çepikê pilesneno sere xora. Dest te gopal-bastona xu esta, xeyle kokimo. Endî kalo.
Fadike kale xora zaf haskena, eyde çever bê çever fetelîna-geyrena. Qe kale xu teyna nêverdanera. Ûke sono kotî, ake tey-piya sona. Ez domon biyo, Asma Gagan de, ez zaf sabiyenel eke vatene ewrû Kalik û Fadike yena çema. Sonde eke roze bena tarî kalik be Fadike ra yene.
Her çê ra werdis aredanê
Sonde gosema domonû çeverde mendene. Ha amay, ha yene. Gima gima çeveriya. Ma domon tersene, xu pê maya xode xu daritene, ters ver. Çever kerdene ra. Kalik, Fadike jû kî ereba Kalik û Fadike kûtenê zerre. Arabû ebê xizaluku riyû xu kerdene sa, eke kes înê nas mekero. Ma tersene, neverdane ma şime nejdiye kalik. Kalik amene zerre oda, peydona ebe Fadike ra kaykerdene. Wexto ke kaykene, kalik gineno warro. Fadike birrene, dana zoniyone xora. Birrene, birrene, vatene “wux ez gidaye tu bicerî, tore sebi. Dest estenê Kalik, Kalik ustenera Kay xelesnene.
Dewe de siyene pero çeu. Her çê de kaykerdene. Kay ra tepiya her çe ra ard, seker, ron, deneara. Nu ron, seker, ard berdene, dewede kamcî çe ke zaf fekîro uza, wayira çê rê vatene, mare hewla poze. Wayira çê cirê hewla potene, xoré hewla xu wordene, peydona çiyo qe do are, û çê de caverdene siyene çâ xu.
Emre sima tere awe derg bo, pak bo
Galo fadike teyna ju kai niyo. Caraktero xu sosyalo, serre de ju defa post dené cé fekuru. Ez galo fadike ra codir zaf haskon. Galo fadik kulture made wayinrina fakirin kerdena. Wayire bekesin kerdena.
Tu rindeke esta Galo, tu rindike esta Fade.
Asma Gagan do ma domonik xore çê be çê fetelînê. Kax, bosmeî, dalaseî, goz dene me. Ma domon zaf sabîyene.
Asma Gagan do sima tayinê xu vîrra nekerdo. Sodira, hona ma cille de bimê, maya ma awe pisikitene ma serra. Na awe sodir yênî-înî ra ardene, awe teze ardene, eke pisikitene ma serra, vatene emre sima tere-zey awe derg bo, tere awe pak bo.
USEN GIRMIT