Hûmara merdimanê ke pê vîrusî kewtî zî bîyê nêzdî mîlyonêk û 500 hezar. Hema zî çareya Vîrûsê Koronayî nêame tesbîtkerdiş. Pisporan tewro weş xo nêweşî ra pawitiş ser o keyede mendiş û şuxilnayişê maskeyî pêşnîyar kenê. Paytaxtê Mintiqaya Kurdistanî, Hewlêr de semedê tedbîranê virusê Koronayî (Covid-19) fabrîqaya maskeyan abena û fabrîqa de do mîyanê aşmêk de 10 mîlyon maskeyî bêrê viraştiş. Walîtîya Hewlêrî derheqê viraştişê maskeyan de beyanatêk da û vat: “Seba ke maskeyan rê talep zaf o ma şîrketêkê mîyannetewî dir pê kerd û qerar da ke fabrîqaya maskeyan ronê. Gorê beyanatî na fabrîqa do mîyanê mengêk de 10 mîlyon maske virazo.” AMED