ŞIHAB EL / EHMED / ANHA / QAMIŞLO
Rêxistina Til Hemîsî ya Kongreya Starî seba ke mîyanê komelî de cinîyan aktîf bikero, komunî awan kerdî. Kongreya Starî na çarçewa de aşma êlule ra nata awankerdişê komunan lezna û beldeyanê Ebu Cîrîn, Til Ehmed, Ukaz û Ceza de pêro pîya 73 komunî awan kerdî.
Endama Îdareyê Til Hemîsî yê Kongreya Starî Ferdos Setame derheqê xebatan de melumatî dayî û wina va : “Ma aşma êlule de dest bi awankerdişê komunanê cinîyan kerd. Ma na çarçewa de babetanê zewajê emrê şênikî, vera cinîyan de şîddet û sewbîna ser o semînerî dayî.”
Setame va ‘ma qeza de 73 komunî awan kerdî’ û wina domnaye: “Reyna ma komîteyê weşî, perwerde, eknomî û pawitişî ke girêdayeyê nê komunan î zî awan kerdî. Xebata awankerdişê komunan hetê cinîyan ra bi hawayo bîyaye yena dîyayene. Ma do komel de rolêko aktîf kay bikerî. Seba ke tayê dewî girêdayeyê ananeyanê xo yî, tayê astengîyî vejîyayî vernîya ma. Ma bi munaqeşe û pêvînayîşan nê zehmetîyî derbaz kerdî.”