Cizîra Botan bi tank, top û bi hezaran quwetanê îşgalî bombevaran bî. Dûstê pêro quwetanê dewlet de milê (vilê) xo çewt nêkerd. Roj bi roj, jû bi jû xoverdayoxê Cizîra Botan perranê tarîx û mezgan de cayê xo guretî. Jû bi jû bi qerarî û qehramanîya xo raya serbestîye kerdî ra, mîrasê xover estene verdayî peyê xo de.
Cizîra Botan lîlîka Kurdistan
Cizîra Botan namê serhildan, namê xoverdayiş, namê xoser ameyene. Bereketê cemê Dîcle, berz vinitisê koyê Cudî. Zerya Botan Cizîr, qeleya xoverdayoxan. Meterîsê
Eşqê Mem û Zîn. Mekanê însananê wayirê heqîqetî. Doman genc, cenî, camerd, kal û pîrî kesî serreyê xo çewt nêkerdî. Sanika (istanik) xoverdayisî Mehmet Tûnç û Asya Yuksel’an ra musîyayî. Zey Mehmet Tûnç’î Asya Yuksel ke bî sembolê xoverdayisî dûstê serestisanê kolonyalîstan qeyta peyser game nêestî.
Maya pêrokîn xoverdayoxan
Asya Yuksel dayika 2 domanan bî. Piyê domananê xo qezaya trafîkî de weşiya xo kerd bi vîndî. Yuksel verra zîhniyetê camerdî tekoşîne da û na tekoşîne bi gurenayisanê sîyasî avê berd. Tewr peynî de xoverdayisê xorayverîn de bî Hemseroka Meclîsa Şarî yê Cizîra Botan. Her tim peyê heqîqetî de şî. Xo zon ardene ra hasnêkerd, hama yeno zonayene ke dezanê xo rê kî bi xoverdayiş derman dî. Maya Jîyan û Şîvan’î bî. Xo maya pêro gencanê xoverdayoxan dî. Asya Yuksel her tim gencî ke taxan de estene xover înan het de ca guret. Ci rê him bî hevale, him bî maye. Asya Yuksel serranê 2 hazara piya dest kerd bi gurenayisanê siyasî. A roze ra tepîya ke gamanê xo serva serbestiye estene. Avê Qilaban de çê (keye) bi çê rêxistin kerdena cenîyan de kar mîsyon girewt ser xo. Serva xo kî vatene: “Gunê xo zaf rêxistin bikerî û avê berîne.
Yuksel her ca de bi wayisê xo ya ame naskerdene. Bi xoverdayis û geyrayişê xo bî taqîpkara Sakîne, Ûta û Amara, Arîn û bi hezaran cenîyan.
MERAL KUÇUK/BRUKSEL