Atolyeya Cuya Bêasteng a ke 1’ê kanûna 2013 de Meydanê Cuya Hempar yê Sumerparke de ameya akerdiş meseleyanê astengdaran safî kena. Atolye de sandalîyê tekerin ê manuel û biakû ê astengdaran yenê viraştiş.
Atolye de heta nika 314 sandalîyê tekerlekin ameyê viraştiş. Bê na atolye 14 manuel, 5 bielektrîk pêroyî de 19 sandalî teslîmê kesê ke îxtîyacîya înan sandalîyan ra estibî bîyê. Atolyeya Cuya Bêasteng a ke Sumerparke de xebate kena, semedê 26 astengdarê ke rewşa înan a taybet esta, banê înan de xizmet da înan. Atolyeya Cuya Bêasteng a ke 27 xebatkarê aye bizerrî ra xebetyenê û mîyan de wendekarî zî estê bê viraştişê sandalîyan semedê astengdaran xebatanê bînan zî kena. Atolyeya Cuya Bêasteng ke mintiqa de atolyeyêka nimune ya bê welatijê astengdar kesê ke rojane qeza kenê û astendar manenê înan ra zî ardiman kena.
Verpirsîyarê Atolyeya Cuya Bêasteng Gultekîn Aydenîz îzeh kerd ke îxtîyacîyan ver na atolye adara 2013 de ameya akerdiş, o wext ra nata înan dest bi xizmet kerdî û wina vat: “Atolye de kursiyê tekerlekin ê manuel û elektrîkin yenê viraştiş. Servîsê teknîkî ê sandalîyan şaristanê gird sey Stenbol, Enqere û Îzmir de estê.”
Astengdarî zaf razî û bextîyar î
Welatija astengdar Zeynet Gunerî a ke semedê temîrkerdişê sandalîyê xo yo ekûyin amey atolye îzeh kena ke semedo ke sandalîyê aye rey-rey xerabe beno yena atolye û wina vana: “Xora ma mîyanê zehmetî de cuyenê. Îmkanê ma zaf kêm ê. Heta nika wexto ke sandalîyê ma xerabe bîyênê ma nêeşkayênê temîr bike. La ma nika bêçare nîyê. Nika şaredarîya ma ma rê ardim kena. Semedê nê xizmetî ma Şaredarîya Şaristanîê Girdî ya Amedî ra spas kenê.”
NAVENDA XEBERAN