Feydeyê xo esto
Sereka Dayîreyê Xizmetanê Sosyalan Semra Kiratliye derheqê xebatan de zanayîş da û wina vat: “Ma bin banê Mudirîya Şaxa Perwerdeyê Meslegî ya Serekîya Dayîreyê Xizmetanê Sosyalan de atolyeyê kilîm, şal û deştişî akerdî. Semedo ke wa cinî hem mesleg bimusê hem zî debara keyeyê xo bikerê nê atolyeyî ameyê akerdiş. Atolyeyan de perwerdeyê meslegî yeno dayîş. Bi no qayde vernîya cenîyan abena û eşkenê xo rê cayêk biakerê.” Kiratliye îzah kerd ke herême de tarîxê deştişê şal û kilîman zaf kehen o û şal û kilîmî kulturê şarê herême de cayêko muhîm gênê. Kiratliye wina vat: “Bi averşîyayîşê endustrî nê hunerî hêdî-hêdî vindî benê. Ma zî kenê ke wa no huner vindî nêbo. Ma na çarçewe de tîya de perwerde danê cenîyan. Eke kursîyerê ke tîya de perwerde vînenê, dima ra eşkenê xo rê atolyeyan bikerê.”
AMED