Demîr’î eleqe ant hesasiyetê kurdan ê qandê Ocalan’î ser û vat: Dewleta bi adira kay kena. Avûkatanê Ocalan’î ra Servet Demîr siyasetê tecrîdê vera muwekîlê xo Abdullah Ocalan’î ser, DÎHA rê qisey kerd.
Demîr’î tecrîdê vera Ocalan’î zey siyasetê şantajî hesibina û vat: “Dewleta tirk bi siyasetê tecrîdiya wazena şarê kurd û hereketê siyasî ê kurd teslîm bigiro. La belê pratîkê hetanî nika mûsna ma ki, ena wastena dewlet pûç vejiyaya. Dewlet bi siyasetê tecrîda ne şa Hereketê Kurd zayif bikiro û ne jî şa Ocalan’î bianco miyanê kayanê xo.”
Hesasiyetê şarê kurd ê Ocalan o
Avûkat Servet Demîr’î hesasiyetê şarê kurd ê Ocalan’î sero jî ard ziwan û vat: “Şarê kurd meseleya Ocalan’î zaf hesas e. Dewleta bi adira kay kena. Çimki israrkerdinê tecrîdî, yeno mahneyê lejî.”
Avûkatê Ocalan’î eleqe ant israrê Ocalan’î ê qandê çareseriya siyasî ser û vat: “Qandê muzakerey bişê dewam bikirê û meseleya kurd bi rayanê siyasî çareser bibo, lazimo Ocalan azad bibo. dewlet hetanî nika, heme ray ceribinay, la belê bi ser nêkewt. Tecrîd hetanî nika, bê alozî çiyê nêard û nêano. Şarê kurd wayirê birêz Ocalan’î vejiyeno. Coka gerek rojê ravey, dewlet peyniyê siyasetê tecrîdî biyaro û hinî bi adira kay mekiro.”
DÎHA/ÎZMÎR