Royê Wa Perî heremanê Elezîz, Çewlig û Dersim de ca gêna. Bi royê Mûnzûrî ra piya çimê weşî yê mintiqeyo. Ser Awa Perî de 9 projeyê HES estê. Netîceyê xoverdayisê welatizan de xêlê projeyê HES vinderniyayî. Rîwalê bendawê Tatar, awê dewanê Karsan, Paxnik, Perî, Seyîdan, Quçî, Hoşê birnîya.
Xeylê organîzma mirenê
Rîwale birniyayenê awe dewizê ke hêga ramenê û heywanan kenê warî zehmetî ancenê. Herzewbîn netîceyê birnayenê awê de, ganiyê zey masî û organîzmayê ke wesiya ci girêdayê awe yo mirenê, dengeyê ekolojî kî xiravîn beno. Kesê ke masîvanî kenê û karê warîkerdenê heywanan û hêga kenê zerarê gird vînenê.
Ronisteyê dewa Seyîdan Cafer Çetînkaya kî mexdûranê bendaw o. Çetînkaya aşkere keno ke, ebi bendawê tatar ciwyayisê îynan ser û bin biyo û niya qisey kerd: Sermiyanî asmê hamnanî de awî bi temamî cênê û ro yê Pêrî kenê wisk. Rexmo ke biyo zimistan, fekê bendawî nî akerdiye. Nayî ra royê Perî biyo wisk, ma rîresenê çimê wesî awî.
Çetînkaya ano zon ke, îye debarê xo bi ramitenê hêga û wayirkerdişê heywanan kenê, la rîwale bendawî zehmetî ancenê. Cafer Çetînkaya vano: Wexto ke aw nêbo, kes hêga nêramenê, nebî, cew, xele û gonce nêçînenê. Heywanane xûra tenya simer danime, nêşkeme rind wayir bikeme. Çetînkaya aşkere keno ke, ciwyayisê înan ameyo merhaleyê tefînayen. Û vengdayisê ‘ya awî akerê, ya kî bendawî bi temamî bicîrê’ kerd û wask ke na dirûmî rê çarekerdinekî bîro vînayene.
DÎHA/DERSIM