Sûrê Amedî de Kanûna 2015î de qedexeyê tebervejîyayîşê kuçeyan amebi îlan kerdene û xeylê çîyê tarîxî zî no proses de ameyî çin kerdene, warê tarîxî ameyî bombe kerdene, awanîyan ser o guleyî ameyî varnayene.
Dimayê pêrodayîşî rijnayîşê ke cayê tarîxî û kulturî çin kerdî, dewam kerdî. Wezaretê Bajarwanî û Dormeyî qerarê pawitiş û viraştişê awanîyan dabi. La awanîyî bi eynî hewa yî. Taxa Dabanoglu de zî bi seyan awanîyî şer ra tesîr bîyî û tayê keyeyî hetê wayîrê înan ra ameyî viraştene, yê vengî zî bin nameyê ‘kewenî warê qerarê îstîmlakkerdişê lezgînî’ ameyî rijnayene.
Keyeyê ke hewşê keyeyî xisarî ver nêeşkenê bixebitnê, dîyar kerdî ke wezaretî înan ra derheqê keyeyan de nuşteyê 'do bêro pawitene û viraştene’ ameyî erşawito û wina domnayî: “Bêxera nuşteyê bi aşman o çîyêk nêameyo kerdene.”
JINNEWS/AMED