Almanya, Swîsre, Avusturya, Îngilistan, Fransa, Awusturalya de, serva wayir-vejiyayinê xoverdayişê Bakur, çalakî viraziyay. Nûmayişan de terora dewleta tirk bi sloganê “Kiştox Erdogan” amê protesto kerdin.
Almanya de Kurdistanijî û dostê ci, serva wayîr wecayînê rayverînê xoser kuçeyan de yê. Xeylê welatanê Awrûpa de nûmayiş virazîyê û xoverdayîşê şarê Bakurê Kurdistanî selam bî û terora dewleta tirk protesto bî.
Almanya de rêze nûmayişî
Sûk-bajarê Almanya Kleve de, rayverînê gencan de bi şîara wayîr-vecayînê rayverînê xoser şiyayiş viraziya. Kurd û dostan çalakî de bi silogananê “Kiştox Erdogan” hêrsê xo ard zon.Gîessen de zî rayverinê ceniyan de çalakîya veng vetiş viraziya.. Şeligo ke amê pêhet komkeştinên dewleta Tirk protesto kerd û xoverdayîşê Bakurê Kurdistan selam kerdî.
Sûka Hanau de zî rayverina Meclîsa Ceniyan Amara de çalakiya protesto viraziya. Heto bîn ra serva tewrbiyayişê çalakiya roza Çarşeme zî vengdiya kurdistaniz û dostanê ci.
Yew çalakiya protesto zî bajarê Darmstadt de viraziya.Rayverîna Meclîsa Ceniyan Roza de çalakiyê ke viraziya de şeligî bi veng-vetişa êrîşê dewleta Tirk protesto kerdî û mesajê wayîr vecayînê rayverînê xoser da. Heto bîn ra bajaranê Hannover, Offenbach, Wetzlar, Manheîm, Lîmburg, Hamburg û Berlîn de Kurdistanîj û dostî kûçeyan da bî. Çalakiyan de şeligî hersê xo vera terora dewletê ardi ziwan û eleqe ant ser tecrîda vera Rayverê Şarê Kurd Abdullah Ocalanî.
Nûmayişê wayir vejyayişhe xorayverînan
Sûka Swîsre Cenev de, kurdistanij û dostî semedê wayir-vejiyayinê xoverdayişê Bakur, merkezê Jûbiyayinê Miletan ver de amey pê het. Kurd û dostan xoverdayişê Bakur selam kerd û bê vengînê Jûbiyayinê Miletan jî protesto kerd. Çalakî de tim û tim siloganê zey “Kiştox Erdogan”, ‘Ocalanî rê azadî” qîriyay.
Nameyê şêligî sero jû heyet şî buroyê Jûbiyayinê Miletan û jû dosya teslîmê rayveran kerd.Avusturya de jî sûka Graz û paytext Viyana de çalakî viraziyay.Kurdistanijan vera terorê dewleta tirk û bê vengîn welatanê Ewrupa hêrsê xo ard ziwan.Kurd û dostê azadiyê Ocalanî jî qîray, mesaja zey “Bakur” teniya niyo, day.
Fransa de sloganê “Kiştox Erdogan”
Fransa de jî kurd û dostî bi siloganê “Kiştox Erdogan” vejiyay kûçeyan.Rayverîna gencan de Meydanê tiyaran ê Charles de Gaulle û Gare De Lyon de çalakî viraziyay. Çalakî de xoverdayişê bakur selam bi û siloganê “Kiştox Erdoganû “û Kiştox dewleta tirk” qîriyay. Sûka Marsîlya û xeylê cayanê bînan de jî kurd û dostan çalakî viraşt û xoverdayişê Bakur selam kerd. Çalakî de Fransijan ra vera terorê dewleta tirk desteg waziya.
Îngilîstan ra heta Awûsturya protestoyî
Paytextê Îngilistan London de jî bi seyan kurd û dostî vejiyay meydanan.Kurdistanijê şiyayiş viraşt, hêrsê xoyê vera dewleta tirk ard ziwan. Çalakî de Jûbiyayinê Miletan, Jûwîna Ewrupa û saziyanê heqanê merdiman ra jî waziya vera terorê dewleta tirk vengê xo berz bikirê.Kurdê Avusturalya jî qandê wayir-vejiyayinê Bakur vejiyay kûçeyan. Kurd û dostî paytext Sîdney, Adalede û Melbounr de amey pê het û xomûsnayin viraşt. Xomûsnayinî de eleqe anciya terorê dewleta tirk ser û siloganê “Kiştox Erdogan” çebiyay.
NAVENDÊ XEBEERAN