Paytexta Almanya Berlîn de roja Dişem seat 16.00 de ver Parlementoyê Almanya de Kurdistanijî, Meclîsê DESTDAN yê cenîyan, NAV-DEM, şoreşgerê Tirkîyeyî, komê antî-faşîst yê Alman, çormeyê demokratî û alewî amey pêhet. Mitîng de dewletanê Awrûpa ra wazîya ke destegê xo yê seba Erdogan û AKP bibirnê.
Sûka başûrê Almanya herema Bodensee Frîedrîchshafen de zî derbeya AKP û Erdoganî protesto bî. Nûmayiş de pankarta ‘Kurdî terorîst nîye, Tirkîye û Erdogan terorîst o’ wedarîya.
Sûkanê Swîsre Basel û Bîenne de zî Kurdistanijî meydanan de bî. Basel de nûmayişkarî ver banê Partîya Radîkal ya Lîberal (PRL) de are bî û dosyayeke day sermîyananê partî. Bienne de zî nûmayiş Centrale Place de destpa kerd û heta Îstasyonê Trenî dewam kerd. Nûmayişa ke pankarta ‘Dest medê temsîlkaranê ma yê polîtîk’ abîya de dûştê AKP û Erdoganî de sloganî berz bî.
Vîyana de rêze çalekî
Paytexta Awûstûrya Vîyana de zî bi slogana ‘Dest mede îradeyê mi’ rêze nûmayişê yew hefte destpa kerdî. Gama sifteyin yê rêze nûmayişan bi mitîngê Museums Quartîer de erzîya. Vizêr zî ver Temsîlkarîya Komîsyonê Jûbîyena Awrûpa yê Awûstûrya de mitîngeke virazîya. Herzewbîn parlementeroyê Awûstûrya de zî do derheqê operasyonê dûştê HDP de damûstayîneke bîro dayen.
Paytexta Eyaleta Awûstralya Vîctorîa Melbourne de zî hewldayenê qirkerdişê hikûmeta AKP protesto bî. Endamê Navendê Civaka Demokratîk yê Kurdan ver parlementoyê Vîctorîa de are bî û nêrazîbîyenê xo damûsnay.
KCDK-E ra nûmayişê bêmavên
Heto bîn ra KCDK-E ke qerarê nûmayişanê bêmavên da, vengê tewrbîyayişê nûmayişan da.
KCDK-E hayr ant kerdenanê faşîzan yê AKP ser û va, ‘Roj roja vinderdişî nîya. Roj roja tekoşîn û xoverdayişî ya. KCDK-E veng da Kurd, Tirk, Laz, Çerkez, Asurî-Suryanî, Ermenî, alewî, xirîstîyan, misilman, Êzidî û pêrokîn dezgehan ke dûştê AKP û dîktatorîya Erdoganî de doş bidê pê û tekoşîna xo berz bikerê.
Nûmayişê ke KCDK-E bi TJK-E, AABK, HDK-A û Yewîya Quwetê Demokratîk wina yê:
Teqwîmê nûmayişan
HOLLANDA: 12ê Mijdar 2016, seat 14.00 Nîeuwmarkt Amsterdam,
BELÇÎKA: 12ê Mijdar 2016, seat 13.00, Reu de Parto 32 4020 Liger,
Almanya/KOLN: 12ê Mijdar 2016, seat 13.00, Sîegbûrgerstr/Deutzer Werft
KANADA: 12ê Mijdar 2016, seat 18.00, Toronto ON MAXV 1 A8,
DANÎMARKA: 12ê Mijdar 2016, seat 13.00, Svanemollen Station Kopenhagen
STOKHOLM: 11ê Mijdar 2016, seat 16.00, Sergels Torg Stockhom
ROMA: 12ê Mijdar 2016, seat 14.00, ver Colesso
SWÎSRE: 12ê Mijdar 2016, seat 14.00, Claramatte Park
AWÛSTURYA: 12ê Mijdar 2016, seat 17.00, Schwarzenbergplatz
PARÎS: 12ê Mijdar 2016, seat 14.00, Meydanê Bastille
YEWNANÎSTAN: 12ê Mijdar 2016, seat, mavêna seatanê 09.00-18.00 ver Şaredarîya Bafos de nûmayişê roniştişî.
JAPONYA: 12ê Mijdar 2016, seat 13.00, Tokyo, Shîbûya
FRANSA/Avîgnon: 13ê Mijdar 2016, seat 14.00, Avîgnon Gare Centre
AWÛSTRALYA/SÎDNEY: 15ê Mijdar 2016, seat 14.00, ver parlementorê Sidney. n NAVENDÊ XEBERAN