Vizêr sûka Almanya Bremen de bi seyan gencanê kurd Parlementorê Eyaletî de nûmayişê bêîtatîyê sivîl viraştî. Bi no nûmayişî gencan tecrîd protesto kerdî û rîwalê pîyakarîya bi hikûmeta AKP dewleta Almanya îqaz kerdî. Gencan sermîyananê Parlemento ra waştî ke verra tecrîd û herbê qilêrîn bêveng nêmanê. Sûka Fransa Marsîlya de zî bana France Televîsîons de nûmayişê sivîlê bêîtatî virazîya.Paytexta Belçîka Bruksel de zî Kurdistanijan ver bana Parlementoyê Awrûpa de nûmayişê xo bi zincîr girêdayiş viraştî.
Paytexta Îngilîstan London de azayanê Ciwanên Azad verê parlemento de pankartê 'Ocalan rê Azadî’ aliqnay. Pankarta ke cayekê navendî aliqîya eleqeyê gird yê tûrîstan ante. Sûka Fransa Strasbourg de zî pê eynî waştena gencê Kurd nûmayiş de bi. Gencan binatê bajar de yew pirdî de pankart kerd dard. Pankartê 'Dinyaye bê Ocalan şima ser de rijnenîme’ wextekê derg aliqîyayê mend.
Almanya protesto kerdî
Sûka Almanya Hannover de gencay yew pirdo navendî ser o pankart kerd dard û bi nayî eleqa ant ser tecrîdê Ocalanî ser o. Sûka Almanya Maînz, Dusseldorf, Darmstadt û Rotenburg de zî gencan pê nûmayişê aliqnayişê waştena wedarnayişê tecrîdî û abîyayişê berê îmrali kerdî. Gencan rîwalê poştayenê terora AKP-Erdogan rê Almanya şermezar kerd. Gencan day zonayene ke hetûn serbestîyê Ocalanî nûmayişê înan ramene.
Ocalanî ra xeber çîna!
Vera tecrîdê ser Rayverê şarê Kurd Abdullah Ocalanî Awrûpa de nûmayişê kurdan pê zêdiyayîşa ramene. Paytexta Almanya Berlîn de nûmayişê xême 2 aşmîyo verê parlamento de dewam kena. Na nûmayişê cayê xo bedilna û vizêr ra tepiya Alexanderplatz de ramena. Nûmayişkaran Almanya ra waştî ke paştdayişê Tirkîye ra fek caverdo. Sûka Kiel de zî welatijî vera tecrîd hêrsin kuçeyan dey. Rayveriyê Merkeza Demokratîk ê Kurd de mîtîng virazîya. Nûmayişkaran derheqê tecrîd ser Ocalan de bi seyan vilavokî kerdî vila. Kurdistanijan arde zûne ke hetûn serbestiyê Ocalan ê çalakiyan rê dewam kene.
Paytaxta Swêd Stockholm de ver parlemento de 2 gazîyanê kurd nûmayişê viraşt. Sûkanê Swîsre Cenevre, Zurîh, Basel, Biel, Solothurne û Bern de zî vengê serbestiyê Ocalan bi berz. Avusturya de no hefte zî Kurdistanijî vera tecrîd vecîyen meydanan. Bajar Viyana, Graz, Brengen û Innsbruck de nûmayişî virazyene.
NAVENDÊ XEBERAN
Kampanya hera bena
Kampanyaya KJA ya ‘Wahar Rayver, erd û azadîya xo vecîyena’ virazyena hera bena.
Qezaya Riha Hewag de zî aktîvîstanê KJA pê (bi) yew panelî dest kerg gurenayîşê xo. Pawitoxanê Ocalanî ra Newroz Uysal û parlementerê HDP Dîlek Ocalan, Ayşe Acar Başaran û Huda Kaya zî tewrê panel bî.
Panelîstan vera tecrîd vecîyayî û aşkere kerdî ke slogan û tilîlîyê cenîyan tecrîd şikneno. Aktîvîstanê KJA semedê tewrbîyayîşê kampanya veng day cenîyan û waştî ke vecîye kuçeyan û wahar rayverê xo bivecî.
Cenîyan AKP îqaz kerd
Azayanê KJA ê Mêrdîn zî startê kampanya pê yew eşkerakerdiş da ci. Eşkerakerdiş de hikumet îqaz kerdîya û vacîya ke, tecrîdê ser Ocalanî raya felaketî keno a. .
Colemêrg de cenî seferber bî
Koordinasyonê KJA ê Colemêrg zî startê kampanya da ci. Kombîyayîş de waziya ke tecrîd ca de wedarîyo. Cenîyan arde zûne ke sebebê kaosê Tirkîye guretişê berê Îmrali yo. Aktîvîstanê KJA dazûneyene ê weşî û tivariyê Ocalan meraq kene û hetûn xeber guretiş bêvegn nêvendene.
CPT rê mektûb
Stenbol de zî KJA çarçoweyê kampanya de plansazîyê xo kerd eşkera. Kongreya Cenîyanê Serbest KJA Stenbol de yew aşm de 100 hezar mektûb danî arîye û CPT rê şawene. KJA da zonayişî ke tûlê didin de zî semedê cayanê xorayverîn gureyene. Hedefê KJA de 10 hezar cil û 10 hezar batanîyê estî . Tûle 3. de KJA Stenbol de vecîyene kuçeyan.
NAVENDÊ XEBERAN
KCDK-E serva nûmayişan silayînê meydanan kerd
Dîwanê Serokîya KCDK-E bi jû eskerakerdisê nûskî hayr ont ke 17 serrîyo Rayverê Şarê Kurdî Abdullah Ocalan binê tecrîd de ro.
Eskerakerdisê KCDK-E de hayr ancîya rolê Rayverê Şarê Kurd Abdullah Ocalanî ser û vajîya: “Rayverê ma rê nejdî bîyayene, sevevê weşîye, ceng û haştî yo, nejdî bîyayena hereketê serbestî yê ma, şarê ma wo. Na rîwal ra verra rayverê ma pêro nejdî bîyayene bêcewab nêmanene.”
Nîno qebûlkerden
KCDK-E va “Nayê ra tepîya Ocalan ra zonayis guretene, wedardayena tecrîd karê sifteyîno. KCDK-E ard zon ke nî bîyayisê qeyta nêne qebûl kerdene, şarê kurdî endî bi zûran nêno xapinayene.Eskerakerdis de ame vatene ke teyna xebere guretene nê, endî şîkitayena sîstema Îmrali û werte ra wedardayene karê sifteyîno.
KCDK-E pêro şarê kurdî, sosyalîst, şaranê şoreşger û qûwetanê demokrasî ke bi royê serhildan bivejiye meydanan bibê qûweta çalakiyanê pîlan. 13'ê Tebaxe de xeylê sûkanê Almanya ra pîya Swîsre, Fransa, Swed, Yûnanîstan, Avûsturya, Belçîka, Hollanda de şiyayis û mîtîngî yenê virastene. Onca çalakiyê ciya ciya bêmaven birame. KCDK-E eskerakerdisê xo bi na vengdayisa qedina. 'Xoseriya Demokratîk înşa bikerême, serbestiya Rayver Apo û şarê Kurdîstan bicerême.’