Serre 1980; Kurdîstan bine tecrîdê giranîde yo û derheqe kurdîtîye de çi ke esto waşto ke Noyê 5î de bêrê qedîyayêne. Serre 2016; Kurdîstan bine tecrîdê giranî de yo û derheqe Kurdîtîye de çi ke esto êno qetl kerdêne…
Ez doman bîya,hed û hîsabê meymananê ma çînî bî. Kesê ke amenê keyeyê ma ê her yewî hepisîyê xo bî. O wext Gimgimijîye sûco zaf girs bîye. Seba ke pê tinazî bikê qezaya ma ya şirine ra vatê “keyeyê heqî” û pêroyê xort û azebê xo yan hepis de bî yan zî derheq de tehqîqat akerde bî. Keso ke dezgeyanê îşkenceyî ra derbaz nêbîyo nêmend bî. Tersê hîkayeyanê xofinan gêrêne her fek de. Aqilê mi de derheqê ê roja ra di fotografî estê; çime qisawetinî,kederini yê reng rengî û xalê mi Alî Riza yo ke hepisxaneyî ra dima dolimena nêbeno sey verî….
Ez çiqas ke bîya pîle; mi çiqas ke wend,dî,heşna mi fam kerd ke tewr çîyê nêbeno sey verî.Ge-gane zî na qesa êna maneyê dûştê qederî de vindertişî. Mi ke metne xopawitişê Mazlûm Doğanî wend nê vindertişî xo nişan da. No vindertîş pawitena/wayîr vecîyayena; mucadeleya xo,şarê xo,kedê xo,hevalê xo ya. Çunke cesarete ey o tesîrin de merdim bawerîya mücadeleye û heqîqetî vîneno. Serre 2016… Şexsê Kurdan de kenê ke rûmetê pêro şaran sey No yê 5 î bigê binê lingan û bihinciqnê. Têslîmîyet ra dor kenê ke Kurdan û dostanê Kurdan rê rayîr nêmano. Dûştê naye de di xetî şer kenê. Heto yew de kesê ke Nêvanê ax heto bîn de kesê ke emane wazenê. her çiqas ke têmîyan de biasê zî ancax kesê ke Şarê Kurdî û Hereketê Kurdan şinasnenê eşkenê nînan cîya bikê.
Çunke No yê 5î de kesê ke emane waşte bîyî teslîm,pêroyê erjîyayî û bawerîyanê xo rê îxanet kerd û înan ra dima tewr çîyêk nêmend. Heto bîn ra Sakîna ya ke şerm kerdo vajo axx, Kemalo ke vato; ez cuye ra qaso ke bimirî hes kena, Xeyrî yo ke vato; Mezela mi ser şarê xo rê deyndar merd binûşnê û Çar kesê ke roja newroze leşa xo kerda we û adir kerdo gûr….
Nînan r a dime seba rûmetê merdimahîye,seba azadîye yew lasero pîl wuşt ra û bi mîlyonan merdiman,canan meterîse xoverdayîşî kerd xurt.
Kesê ke araqê çareye xo nêginayo sifreyê şarî ra naye fam nêkenê emane wazenê. La rayîrê xelesîyayîşî heqîqetî zanayêne,mücadele û xoverdayîşî ra vêrena. Ewro ma pêro vînenîme kesê ke ax nêvanê bi ruhê Mazlumî xoverdanê û mücadeleye kene xurt. Se ke kilame de ameyo vatêne: “Ez bawer nêkena qetîyanê mireno Mazlûm Doxan, îşkence kar nêkeno xapîya dişmeno xayîn…“