Her roja ke şono her bawerî û her cîyayeyê tewrbîyayîşê HSDyî zêde beno. Hîkayeya Ciwan Reqqayî zî leşkerîyê Baasî ra reseno Hêzê Demokratîke yê Sûrîye (HSD) yî. Şerwanê ke hemleya Xezebê Firatî de ca gênî azadîya Reqqa û Sûrîye ya Demokratîke hedef gênî.Babet ser o şervanê HSDyî Ciwan Reqqayî qisey kerd û qala hedefê tewrbîyayîşê xo kerd.
Do şaran rê çareserî bîyaro
Ciwan Reqqayî qiseykerdişê xo de va ‘şarê Sûrîye destê çeteyanê DAIŞ, OSO û El Nusrayî ra zaf dejî antî’ û wina domna: “HSD do şaran rê çareserî bîyaro. Keyeyê min o ke Reqqa de bî hêrişanê DAIŞ û Baasî ver remayî. HSD seba ke hêvîya azadî dano şaran, ez tewrê şer bîya. Ma seba ke Reqqa destê çeteyanê DAIŞî ra azad bibo, şer kenî. Ma zaf dewan destê çeteyan ra girewt. Ma game bi game nizdîyê Reqqa û azadîya erdê xo benî. Çete nêeşkenî vera ma de bivindî û şer bikerî. Ez seba azadîya şarê xo û erdê xo têkoşîn dana."
Ma ti şaran bêwayîr nêverdanî
Ciwan Reqqayî qiseykerdişê xo wina qedêna: “Çeteyê DAIŞî wexto ke nêeşkenî vera ma de şer bikerî, bombe bestenî xo û wazenî xo biteqnî. Zaf reyan zî remenî. Heta ke heme erdê ma destê nê çeteyan ra pak nêbo, ma do bi qerardarî şer bikerî. Ma ti şaran zî bêwayîr nêverdanî. Ma do pîya bicuyî û pîya zî şer bikerî.”
DÎHABER / REQA