Di Edeneye 17 citmenge de vilakerdoxê rojnameyê ma Kadrî Bagdu peynîya hêrişê bi çekê, cuyayişê xo dabi û na roj ra ewro hema zî qetilkarê Bagduyê dîyar nîyê. Aşkeranêbîyîşê qetilkarê Bagduyê ser cenîya Kadrî Bagduyê, Şemse Bagdu vat ke aşkerabîyîşê qetilkarê Kadrîyê ser qet polêsan yew xebat nêkenî û wina vat: “Kadrî hîna nêameybi qetilkerdiş, TEM ra vengê ey kerdbî. Qetilbîyîşê mêrdeyê min ra dewleta tirk mesûl a.”Bagdu aşkera kerd ke Kadrî kesekê zaf pak bi, çew ra hetanê nika qet zirar nêdaybi, qetilkarê ey dîyar ê û wina vat: “Her deqa xo seba vilakerdişê rojnameyan daynê. Dema ke demî ya vila zî bibîynê no demî şîynê aboneyê xo zîyaret kerdînê. Senî beno ona merdimekê pak yeno qetilkerdiş. Ma zatî rîyê zalimkarî ya dewlete amey Edeneye. Dewa ma Berwarîya Sêrte ra gireda Erkendî yo. Dewe ma sazbîyîşê PKKe ra nika her tim PKKe ra sempatî dîya. Taybetê verê serrê 90’an dewleta tirk sere ma de zilmê xo tikey nêkerd, çi çax dewe ra lejkeran biameynê, waştê ma ra bi zorî cerdewantîyê bidê qebulkerdiş. Lejkerê tirk di mîyanê 25 serrê de her tim ma ra zilm kerd û peynî zî dewe ma day adirê û ma zî cerdewantîyê qebul nêkerdî.”

MIN ZÎ EŞTÊ ZINDANE
Bagdu ciresna ke ê sifteyin Mersîn ra koç kerdî la belê di noca de zî dewlet fek înan ra veranêdayo û no ser zî Edeneye ra koç kerdî û wina domna: “Di Edeneye de zî dewlet ma ra fek veranêda û verba no zilmê dewlete zî kêna min Mîzgîn serra 93’ê beşdarê PKK bi û peynîya yew serre zî şehîd kewt. Peynîya kêna min no ray zî lajê min beşdarê PKK bi. Mêrdeyê min serrê 90’an de di Edeneye de vilakerdoxê rojnameyê Azadiya Welat, Gunluk û Ozgur Gundem kerdînê, di no demî de zî di zaf hûmarîy de rojnameger ameybi qetilkerdiş. Heqê ey de bi desan doz ame akerdiş. Ma rewşa xo ra zaf keyfweş bi, tena pirsgirêkê ma zilmê dewlete bi. 9 domananê min ra 3 hebî beşdarê PKKe bîyê. Banê ma ra çew çinêko zîndane ra nêkewto. Dewlet min zî eş zîndane.”Bagdu dest nîşan kerd ke peynîya qewimyayişê polêsan ra ey ra veng day û vatê: ‘Di taxe de xaf motorê sor est ê û înan nêzanê kam motor o.’ no ser zî înan zî polês ra dîmanan waştê la polêsan qebul nêkerdî, no zî mojnano ke dewlet Kadrîyê qetil kerdo.Bagdu wina peynî kerd: “Ez zî dayika aştî ya. Dewlet wazena bi kaykerdişê sere no qewimyayişê bipado la do ma qet destûr nêdî no kaykerdişî ra. Ma çika dewlet ra destê seba aştî derg kerd, ona dewlet ma qetil kerd. Ez hema zî wazena welata ma ra aştî bêro. Hetanê qetilkarê Kadrî nêrê vînayiş, ez dewlet mesûl vînena û destê xo zî qet qirikê dewlete ra vêranêdona.”

Di zîndana Pozanti de psîkolojîyê domanê ey xirap kerdî
Bagdu aşkera kerd ke lajê a hutelek peynîya vejîyayişê zînana Pozantiye psîkolojîyê ey xirap bîyo û wina dewam kerd: “Heme dinya zanano ke di zîndana Pozantiye de ser domanan çi kerdî. Tewr peynî kêna min hutelek Berfîn verba zilimkarî ya dewlet beşdarê PKK bi. Kadrî hîna nêameybi qetilkerdiş ey ra TEM ra veng daybî. Di TEM de ey ra vatê ke ‘ma to, na yew serrake şopnenê, telefonê to zî ma goşdernenê.’ Û ey ra wêneyan mojnenê. Peynî Kadrî banê ma û ma ra vat ke: ‘Nê ona min şopnenê se do sareyê min ra çik bîyarê’ peynîya çend roje di taxa ma Şakîrpaşeye de seba Kobanê çalakîyan ameybî viraştiş û di heme verê beran de polîsê sivîl estbî. Tam di no demê de taxe binê kontrolê polêsî de yew motor yeno û di sere motorî de di kesî Kadrî qetil kenî û polês nê qetilkaran nêvîneno. Kadrîyê dewlet qetil kerd. Qetilkarê Kadrî emnîyet o.”