Baluken ke Ajana Firatî rê qisey kerd aşkere kerd ke Ocalan'î ardo ser zon ke, iyê ke peyniyê demê çarekerdişî ardo, ê nê, dewlet bi xo ya. Balukenî aşkere kerd ke Ocalanî derheqê îdiayanê AKP yê zey, ‘demê çarekerdişî hetê kurdan xeripîyayo de wina vato: “Lazimbi ke 15 rojan miyan de heyet bişiyaybi, la belê nêşiya û hurendîya ci de siyasetê lejî vistî dewre.” Balukenî va Ocalan'î rastîn eşkere kerd û va lazimo hinî AKP îzah bikiro ke çira heyet nêrîşto. Parlementer Balukenî vist vîrî ke heveyê roşnbîr, rojnamevan û hetkarê aştî û azadî, hetê kurd sûcdar kerdê û va: “Ocalan rewş îzah kerd. Nika gerek ê kesî AKP ra îzahet biwazê.”
AKP raştîyan manîpule kena
Azayê Heyetê Îmralî Îdrîs Balukenî eleqe ant vatenanê Ocalanî yê zey ‘projeyê înan estê, eke dewlet hedre bo, şenê 6 aşman miyan de çareserî biyarê’ ser û hina va: “Sermîyanê AKP wazenê raştîyan manîpule bikerê. Bi îdîayanê zûrî wazenê şar emelê vatenanê înan bikero. Wazenê vengdayişê tarîxî yê Ocalan'î binê sersî de biternê. Baluken'î hayr ant îdiayanê Yardimkarê Serokwezîrê tirk Veysî Kaynakî yê zey ’Ocalan nêwazeno HDP mûxetab bigîro ser’ û hina vat: Iyê zûrî kenê, birêz Ocalanî pêdiyayişê bi Mehmet Ocalanî de persê ‘çira heyetê HDP û pawitoxî nêameyê’ kerdo. Baluken'î fina bîn eleqe ant tecrîdê verra Ocalanî ser û bi nê vatenan qiseyanê xo qedîna: “Tecrîdo ser birêz Ocalanî hewna rameno. AKP çarçiweyê siyasetê lejî de, nêviradena pawitox û heyetê siyasî şirê Îmralî. Gerek AKP hinî goş bido hesasîyetanê şarê kurd.
ANF / NAVENDÊ XEBERAN