Amedî peyniya heftey de, jew kombiyayişê muhîm ê ceniyan rê wayirînê keyî kerd.
Hereketê Ceniyanê Azad û Demokratîk DOKH xo fesix kerd û qandê ronayina modelê newî jî, kongreyê 2 rojîn viraşt.
501 delegey tewrê kongrey bî û qandê ameyinê hereketê ceniyanê kurd, qerarê muhîmî girotî. Peyniyê kongreyê 2 rojîn, Kongreyê Ceniyanê Kurd KJA roniya û şexsê Arîn Mîrkan, Denîz Firat, Kader Ortakaya û Sîbel Bulut de, heme şehîdê azadî ardiyay vîrî. Wastenê Azadiyê Rayverê Şarê Kurd Abdullah Ocalan morê xo da kongreyê 2 rojînî ro. Ceniyan, berzkerdinê têkoşînê seweta azadiyê Ocalan û nûsnayinê tarîxê têkoşînê ceniyanê kurda piya, xeylê qerarê muhîmî girotî.
Ê qeraran ra heveyê winayê.
Hereketê Ceniyan nika ra tepiya, xebetanê xo bi nameyê "Kongreyê Ceniyanê Kurd KJA" biramo. Amed de, muzexaneyê ceniyan rono.Kongreyê ma, vera Modernîteyê Kapîtalîst, raveyberdinê Modernîteyê Demokratîk esas bigiro. Kongreyê ma, Şoreşê Rojava, zey destkewtinê heme şaranê bindest û ceniyan vîneno. Kongreyê ma şoreşê Rojava zey şoreşê ceniyan silam keno û qandê ronayinê Kobanê kewno miyanê hereketî.
Kongreyê ma, her warê weşîn de, têkoşînê qandê azadiyê Rayverê Şarê Kurd Abdullah Ocalan keno berz. Kongreyê ma, qandê demokratîk-kerdinê Tirkiye û qandê bi rayanê demokratîk çareserkerdinê meseleya kurd, jew komîsyonê ceniyan rono.
Gerek tarîxê têkoşînê ceniyanê kurd ê Bakurê Kurdistanî roniyo.
Kongreyê ma, qandê 8"ê adar bi tewrbiyayinê girda pîroz bibo, xebatan biramo.
Kongreyê ma, qandê koçerê peyniya êrişanê çeteyanê DAIŞ de biyê mexdûrî, warê maben netewî de xebatan biramo.
Kongreyê ma, cezayê îdamî zey cezayê sûcê vera merdimîn vîneno û kampanya vera qirkerdinê ceniyan ê Rojhilatê Kurdistanî desteg keno.
Kongreyê ma, qandê ziwanê kurdî bibo, ziwanê rojane, xebatan biramo.
Kongreyê ma qandê heme giroteyê siyasî, bi taybetî giroteyê nêweşî viradiyê, miyanê xebatanê aktîf de bo.
AMED