Baroya Dîlokî, verba qirkerdişan hadreyeya têkoşînî kena. Rayedarê Navenda Heqê Merdimatî ya Baroya Dîlokî Bulent Duran vat ke çi heyf ke qirkerdişan de nuqteyo hembar eynîbîyîşê qetilan o û do ê baroyê bîn reyde têkilî ronî û seba hesabdayîşê qetilan ser zî xebatê xo bikerî.
Trawmaya komeleye
Rayedarê Navenda Heqê Merdimatî ya Baroya Dîlokî Bulent Duran destnîşan kerd ke demo Qirkerdişê Enqereye de aşkerayê rayedaran înan qerqîznayo û wina vat: “Ma huqiqnasê fikrîyenî ke erdvînaya xo de çi nêheqî qewimyayo se dijî nê nêheqîyanê tavirê xo nîşan bidî. Înfazê bêdaraz hetanê nika amey kerdiş, merdimî amey kiştiş û heqê cuyayişî destî înan ra ameyo girewtiş. Tewr peynî rojan de qewimyayîşê tarî amey meydan û nê qewimyayîşê tarî zî nêameyî roşnkerdiş. Çi qewimyayîşê tarî nêameyî se roşnkerdiş, nê qewimyayîşî ser komeleye de travma xelq kerdî. Verpirsîyarîya no travmayî zî sifteyin îqtîdarî ra peynî zî her kesî ra do bêro barkerdiş û no ser zî ma wazenî şîrê ser nê qewimyayîşê tarî yî.”
Baroyan do bipersî
Rayedarê Navenda Heqê Merdimatî ya Baroya Dîlokî Duran destnîşan kerd ke ê seba ke verê heq û azadîyan nêro girewtiş nêzdîbîyîşê xo dîyar kerdî û wina dewam kerd: “Rayedarîya baroya ma, baroyê bîn ra veng bida, seba xebatê hembar û ma şopnayîşê dozan ser zî do dest pê kampanyayek bikerî û ma peynî do na kampanyaye aşkera bikerî.”
Ma do dozan bişopnî
Duran cipersa ke ê cigêrayîş kerdî ke verê mîtîngê HDPe yê Dîlokî ame hesîyayîş ke bombeyan reyde hêriş bêro kerdiş, çi heyf ke çew garantî nêdano ke Dîlok de bombeyî nêrê teqyayîş, peynîya Qirkerdişê Enqereye serekwezîr Ahmet Davutoglu vejîya û vat ke destê înan de lîsteya xokiştoxî esto la nê kesî hetanê ke xo nêteqnî ê nêeşkenî nê kesan bigîrî.
Duran wina peynî kerd: “Qet vatişê Davutogluyî nîno qebulkerdiş, eke yew agahîya xokiştoxî esto se, ganîyo ke no kes girêdaya rayvistişeko terorîst î. Ma zanenî ke bila semed endamê rayvistişê legal ameyî girewtiş. Yanî bi aşkera vanî ke ma no kesî hetanê xo nêteqnî ma nêeşkenî bigîrî, çi heyf ke peynî zî xoteqnayîşê no terorîstî zî zaf welatijî merdî. Na aşkerayeke zaf bi teluke ya, ma do şopnakarî na aşkeraye bibî.”
DÎHA/DÎLOK