Tirkîya de elewîyan ser o polîtîkayê tadeyî zilmî çi heyfo ke dewan kenê. Taybetî îqtîdarê AKPî elewîyan her tim hedef nişan dano. Babete ser o Aktîvîsta TJAyî Hayrîye Korkmaz qise kerd.
Aktîvîsta TJAyî Hayrîye Korkmaz vat ke hêrişê bi sistematik ê verba elewîyan bi destê dewlete yenî kerdiş, seba asîmîlekerdiş û çinkerdişê bawerîya elewîyan bi serran a ke dewlet qirkerdişan kena.
Aktîvîsta TJAyî Korkmaz wina vat: “Bi nîşankerdişê keyeyê elewîyan nêeşkenî îradeya ma bişiknê. Bawerî evrensel a, veradê wa her kes goreya bawerîya xo bi azad biciwê. Yew dewlete nêeşkena bawerîya yew şarêkê çinê bihesipna, hetta şerto ke dewlete seba rehet cuyakerdişê bawerîya şarêkê xebat bikera.”
Cuyaya bawerîya xo do bidomnê
Korkma dîyar kerd ke Meletî, Îzmîr û Stenbol de keyeyê elewîyan ame îşaretkerdiş û ameyî hedefgirewtiş û vat ke nê îşaretkerdişî ra pey mal û milkê elewîyan ra hêrişê bi sistematik ameyî kerdiş û wina domna: “Nê hêrişan polîtîkayê dewlete ra qewimyenî. Eke dewlete na rewşe de elaqadar bibînê do nê hêrişan nêbiameynê kerdiş. Hêrişan bi îdeolojîk yenî viraştiş, çimkî wazenî sîstemê perwerdeyî de elewîyan çin bikê û bawerîya xo wazenî elewîyan ra bidê cuyakerdiş. Hetanê peynî verba no polîtîkayê dewlete ma do têkoşîna xo bidomnê û qebul nêkerê.”
Wazenê koç bidê kerdiş
Tewr peynî Korkmaz wina qedîna: “Sifte Meletî de keyeyê elewîyan îşaret kerdê, hêriş kerdê û peynî zî eynî hêrişan Îzmîr û Stenbol de ameyî kerdiş. Keyeyê elewîyê ke ameyî îşaretkerdiş, endamê partîyêke nêyî. Wazenê bi polîtîkayê ters û hêrişê elewîyan bidê koçkerdiş. Kam şar cayê xo ra koçê biko, peynî asîmîle beno.”
ANF/AMED