Heman roj bî, bi qakib qakiba medyaya rengîn û şemateyî. ‘HDP xo fes kena. HDP întîxar kena. Tek amancî HDP no yo ke, Erdogan bibo serekî Tirkîya. Kurdistan zî do belkî bibo otonom. AKP û HDP têdere Tirkîya lete-lete kenî’.
O wext, temamî ne ajîtasyon û leyminîya medyaya havuz ser, hevserekî HDP S. Demîrtaş komxebata xo grube ya Meclîsa Gird (17.03.2015) de tena yew cumle mesaj da rayapêroyê welat. Hîrê dor pêser vat ‘ he to tuwext nîbibî serek’. Ez, a roj meclîs de bîya. Meclîs de coşeka weşhalî estbî. A roj hevsereko ciwan, bi bawerîyako xurt qerarî şaran, qerarî şaro kurd kerd aşkera. La medyaya havuz a roja îhtîmal nêda bi, şarê Tirkîya desteka înaneyî dana HDP. La a roj pêro şarê ma o bindest, şerx na ro. HDP îrade min a. Ez ne sozan dana HDP;
1- Qetîyên ma no weçînayê de bend teqnenî. Ma her şert de qabî seruber kerdina pergala serektî vanî ne.
2- Ewroyî de zî aşkerayo, no weçînayê qetîyên meseleyê ma û baraj çîna. Şayet HDP binî bendî de bimanê se zî, ma na rey referandimî de vanî ne.
3- Şayet HDP no weçînayo pêroyî de binî barajî de bimanê se zî şar tekoşerîya xo veranêdano, qabe serober kerdina yew pergalo demokratîk û netewa demokratîk tekoşerî dewam keno. A roj şarê ma cîdî bi. Soz da û ard bica…
Hevsereko ciwan zî sey her wext bi xo bawer, mesajî şaro bindest deklere îradeyo deshelat kerd. La hef ke a roj zî medyaya havuz bi aweya îşwebaz yarîyê xo bi no bertekî Demîrtaş ard û zaf-zaf çîyê şaşî amînuştiş û vajîyê. Ez perkînan nênusena. Tayê nayan vatêne; Selahattîn Demîrtaş kam o? Recep Tayîp Erdogan kam o? Henverê Erdogan de Demîrtaş ancex şikeno yew sehneyo tîyatral de kaye bikêro. Tayê nayan vatên; Demîrtaş xo rê tal qise keno. Êdî Erdogan bîyo serek şîyo. Gelo, kamcî sazî, dezge û teşkîlatê Tirkîya binî hîmayeya ey de nîyê ke? Leşker, teşkilata polîs… dadgerî hîmayeyê erdogan de yê. Ewnenê fekê Erdogan ro. Gelo kamcî peyvîrdarî dewlet, şikeno sey ê nêkero, kamcî peyvîrdar şikeno vatenan ey ra bivecyo têber? Hemê fermanê Erdogan herf bi herf yenê bica. Erdogan vajo fîlan îhale bidin fîlan kesan, an zî wa fîlan kes ceza bibo mesela qedîyena. Hîrê aşmî Tirkîya hendek bê omid bî ke rojdemî şarî hendek tarî bi ke meper se.
Nîhayet weçînayê pêroyî ya 2015 de, pergalî Tirkîya verbi opsîyona şaran(HDP), taybetî verbi sîyasî hereketa azad serobino bi û şewşbîyayişîyê hikumran û şurekaya ey berdewam keno. Axir, bi zehmet û epey û bi mişeqet bo zî no weçînayê de, şarî Tirkîya û Kurdistan meseleyê serektî rojdemî xo rê vet.
Encamî ra en zaf zî kurd weşhal o. Tirkîya yew weçînayo bê edalet û nîsbeten zî demokratîk vîyerna ra. Netîce de pergala serektî nêami pejirnayiş. AKP êdî xoser îqtîdar nîya. Meseleyê serektî rojdemî Tirkîya rê vejîya. Partîya AKP’ê Kurdistan de sey MHP û CHP bî partîya tabela. Weçîn bi serekeftebîyayişîya şaro kurd encam bi. Îrade şaro kurd tecelî bi. Bawerîya şaran, bî xurt û mayîn de...
Mistefa ŞAHÎN