Şerê 7 serran yê Sûrîya û bi awayêko pêroyî alozîyê Rochelatê Mîyanênî, Idlib de kilît bîyê. Şerê barrekerdişî yê hîrine û dîzaynê Rochelatê Mîyanênî, Idlib de resayo rewşe û astêka newîye. Gelo do na rewşe, bibo peynîya şerî yan destpêka şerêkê neweyî û zafêrî verhîrayî, hema kifş nîyo. Her di îhtîmalî zî mumkun ê.
Zê birîna ke bi serran, heme rîmê wucûdî tede pêreso û teqayişî verde bo. Bi teqayîşê birîne reyde, beno ke heme rîm bêro teber û birîne rihet bibo û beno ke birîne ro êşê pîsî açarîyo û newe ra heme yê wucûdî ra vila zî bibo.
Rûsya bi polîtîkayanê xo yê qilêrinan ke kurdan ser ra Tirkîya bi kar arde, heremê ke destê çeteyan de bî, çeteyan ra pak kerdî. Bi hetkarî û hemkarîya heme hêzan, çeteyî derbasê Idlibî ameyî kerdene. Hetê heme analîst û heme kesanê ke Sûrîya ra agahdarî bî ra ameyê vatiş ke do Idlib nêy çeteyan rê bibo goristan. Bi mantikqêko dûz na raşte bî û seba peynîrociameyişê lejî û aramîya herême, rayiro tewir derbasdar zî no bi.
La wina eyseno ke na raştîye bi temamî derbasdare nîya. Bado ke rejîm, heremanê ke di bin kontrolê çeteyan de bî de bi serwer, bi goreyê na raştîye têgeyra û verê xo da Idlib. Rûsya vat; "Gere Idlib bêro pak kerdene." Rejîmî vat; "Yan do heme teslîm bibê û yan zî do bêrê îmhakerdene." Rejîmî heme hêzê xo yê eskerî seba êrîşî, dormeyê Idlibî de bi ca kerd. Reyna ca bi ca şerî zî dest pê kerd. Di wexto ke her kes hîvî bi, Qemça gayî bivisîyo û Rûsya û Sûrîya Idlibî bombevaran bikerê de, heşîyarîyêka balkêşe Emerîka, Îngilîstan û Fransa ra ameye. Bêke hema şer dest pê bikero, vat "Heke rejîm Sûrîya de çekê kîmyewîyan pêk bîyaro ma do cewabêko tûj bidê rejîmî."
Her kes zaneno ke meseleya çekê kîmyewîyan Rojhelato Mîyanên de mehneyêko pûç û belaş o. Pey naye de çîyêy bînîy est ê. Emerîka û koalîsyon nêwazenê çeteyî bi temamî bêrê îmha kerdene. Hema hewceyî bi nêy çeteyan est a. Cayê ke hema bêrê bikar ardene est ê. Seba naye, îhtîmalo ke Idlib bibo destpêka plansazîyêka newîye, zafêrî mumkun o.
Îtîya de ya ke tewir tengasîye de ya, dewleta Tirke ya. Tirkîya zî zê Emerîka û hemkaranê aye nêwazena çetey bi tamamî bêrê îmha kerdene. Çeteyî heta nika hetê Tirkîya ra ameyê bikarardiş û wazena di serre de verva kurdan û seba serwerîya xo ya Rochelatê Mîyanênî, reyana seba domnayişê alozîyan di Rochelato mîyanên de, bi kar bîyaro. Seba naye zî tay xerantîy dayê çeteyan û di karê xo êy qilêrinan de bikar ardê.
La bi eşkerayîya peyêne ya Emerîka ame vînayiş ke muşterîyê bînî zî êy çeteyan, est ê. Yanê Tirkîya di na plana xo de zî kewte tengasîyêka pîle. Na mijare de Tirkîya di kişta Emerîka û duştê Rûsya de eysena. Û heke di na mesela de Tirkîya, Rûsya aciz biero, di serre de Efrîn do heme destkewteyanê xo yê Sûrîya vînî bikero. Yanê dewleta Tirke zê heremûşkî, her ke herre kenena dana ra xo ser û qasênê barê xo giran kena. Bi vatişêko bîn nê şikena bi temamî Emerîka reyde tê bigeyro û nê zî Rûsya dir.
Îtîya de perso muhîm,çetey çi ra reyna bi qîmet bîy? Cewabê ney persî, plansazîya newîye ya Rochelatê Mîyanênî ya.
Di Rochelato Mîyanên de hêzêka çekdare ya nizdê 100 hezar kesî, ke bi serranvo mîyanê şerî de yê, xêncî canê xo tu çîyo ke vînî bikerê çîn yo û tenê bi nanoziko şikenê şer bikerê, bêro weykerdiş û sîlah bideyo ci, bi her awayî şikena bibo belayo tewir pîl. Na hêza çeteyan, seba her dewleta ke bişiko înan wey bikero, amûrêko erjîyaye yê bikarardişî ya.
Pers no yo;Kam şikeno hêzêka winayine bi her awayî wey bikero? Tirkîya û Rûsya bi aborîya xo nêşikenê. Reyna heman hêzî seba Rûsya û rejîmî talûkeyêko pîl ê. Manenê Emerîka, hemkarê xo û sermîyanê Kendawe. Yanê Erebîstano Siûdî û hemkarê xo.
Di wexto ke verva Îranî gefê mîyannetewî yenê wendiş û reyna Erebîstano Siûdî û hemkarê xo wazenê tesîrê Îranî di Rochelato Mîyanên de kemî bikerê de, bikarardişê çeteyan rayira tewir baş û kêrameyî ya.
Zêy vatişê peyênî; bi kurt û kurmancî nika di Rochelato Mîyanên de bazaro tewr pîl, çeteyan ser o yeno kerdiş. Perêke de bazarê îmhakerdişê çeteyan û pero bîn de zî bi goreyê xo bikarardişê çeteyan. Çeteyî zî na rewşe ra hayîdar ê. Gefêy peyênî yê Emerîka ke reyna çekê kîmyewîyan ser ra ameyê rojdeme, çimşikitişê çeteyan rê yo. Emerîka vana ez şikena şima ney talûkeyê îmhabîyişî ra bixelesna. Herhalde çeteyan nan bi goşan nêwerdo. Bazaro newe; Idlib
Şerê 7 serran yê Sûrîya û bi awayêko pêroyî alozîyê Rochelatê Mîyanênî, Idlib de kilît bîyê. Şerê barrekerdişî yê hîrine û dîzaynê Rochelatê Mîyanênî, Idlib de resayo rewşe û astêka newîye. Gelo do na rewşe, bibo peynîya şerî yan destpêka şerêkê neweyî û zafêrî verhîrayî, hema kifş nîyo. Her di îhtîmalî zî mumkun ê.
Zê birîna ke bi serran, heme rîmê wucûdî tede pêreso û teqayişî verde bo. Bi teqayîşê birîne reyde, beno ke heme rîm bêro teber û birîne rihet bibo û beno ke birîne ro êşê pîsî açarîyo û newe ra heme yê wucûdî ra vila zî bibo.
Rûsya bi polîtîkayanê xo yê qilêrinan ke kurdan ser ra Tirkîya bi kar arde, heremê ke destê çeteyan de bî, çeteyan ra pak kerdî. Bi hetkarî û hemkarîya heme hêzan, çeteyî derbasê Idlibî ameyî kerdene. Hetê heme analîst û heme kesanê ke Sûrîya ra agahdarî bî ra ameyê vatiş ke do Idlib nêy çeteyan rê bibo goristan. Bi mantikqêko dûz na raşte bî û seba peynîrociameyişê lejî û aramîya herême, rayiro tewir derbasdar zî no bi.
La wina eyseno ke na raştîye bi temamî derbasdare nîya. Bado ke rejîm, heremanê ke di bin kontrolê çeteyan de bî de bi serwer, bi goreyê na raştîye têgeyra û verê xo da Idlib. Rûsya vat; "Gere Idlib bêro pak kerdene." Rejîmî vat; "Yan do heme teslîm bibê û yan zî do bêrê îmhakerdene." Rejîmî heme hêzê xo yê eskerî seba êrîşî, dormeyê Idlibî de bi ca kerd. Reyna ca bi ca şerî zî dest pê kerd. Di wexto ke her kes hîvî bi, Qemça gayî bivisîyo û Rûsya û Sûrîya Idlibî bombevaran bikerê de, heşîyarîyêka balkêşe Emerîka, Îngilîstan û Fransa ra ameye. Bêke hema şer dest pê bikero, vat "Heke rejîm Sûrîya de çekê kîmyewîyan pêk bîyaro ma do cewabêko tûj bidê rejîmî."
Her kes zaneno ke meseleya çekê kîmyewîyan Rojhelato Mîyanên de mehneyêko pûç û belaş o. Pey naye de çîyêy bînîy est ê. Emerîka û koalîsyon nêwazenê çeteyî bi temamî bêrê îmha kerdene. Hema hewceyî bi nêy çeteyan est a. Cayê ke hema bêrê bikar ardene est ê. Seba naye, îhtîmalo ke Idlib bibo destpêka plansazîyêka newîye, zafêrî mumkun o.
Îtîya de ya ke tewir tengasîye de ya, dewleta Tirke ya. Tirkîya zî zê Emerîka û hemkaranê aye nêwazena çetey bi tamamî bêrê îmha kerdene. Çeteyî heta nika hetê Tirkîya ra ameyê bikarardiş û wazena di serre de verva kurdan û seba serwerîya xo ya Rochelatê Mîyanênî, reyana seba domnayişê alozîyan di Rochelato mîyanên de, bi kar bîyaro. Seba naye zî tay xerantîy dayê çeteyan û di karê xo êy qilêrinan de bikar ardê.
La bi eşkerayîya peyêne ya Emerîka ame vînayiş ke muşterîyê bînî zî êy çeteyan, est ê. Yanê Tirkîya di na plana xo de zî kewte tengasîyêka pîle. Na mijare de Tirkîya di kişta Emerîka û duştê Rûsya de eysena. Û heke di na mesela de Tirkîya, Rûsya aciz biero, di serre de Efrîn do heme destkewteyanê xo yê Sûrîya vînî bikero. Yanê dewleta Tirke zê heremûşkî, her ke herre kenena dana ra xo ser û qasênê barê xo giran kena. Bi vatişêko bîn nê şikena bi temamî Emerîka reyde tê bigeyro û nê zî Rûsya dir.
Îtîya de perso muhîm,çetey çi ra reyna bi qîmet bîy? Cewabê ney persî, plansazîya newîye ya Rochelatê Mîyanênî ya.
Di Rochelato Mîyanên de hêzêka çekdare ya nizdê 100 hezar kesî, ke bi serranvo mîyanê şerî de yê, xêncî canê xo tu çîyo ke vînî bikerê çîn yo û tenê bi nanoziko şikenê şer bikerê, bêro weykerdiş û sîlah bideyo ci, bi her awayî şikena bibo belayo tewir pîl. Na hêza çeteyan, seba her dewleta ke bişiko înan wey bikero, amûrêko erjîyaye yê bikarardişî ya.
Pers no yo;Kam şikeno hêzêka winayine bi her awayî wey bikero? Tirkîya û Rûsya bi aborîya xo nêşikenê. Reyna heman hêzî seba Rûsya û rejîmî talûkeyêko pîl ê. Manenê Emerîka, hemkarê xo û sermîyanê Kendawe. Yanê Erebîstano Siûdî û hemkarê xo.
Di wexto ke verva Îranî gefê mîyannetewî yenê wendiş û reyna Erebîstano Siûdî û hemkarê xo wazenê tesîrê Îranî di Rochelato Mîyanên de kemî bikerê de, bikarardişê çeteyan rayira tewir baş û kêrameyî ya.
Zêy vatişê peyênî; bi kurt û kurmancî nika di Rochelato Mîyanên de bazaro tewr pîl, çeteyan ser o yeno kerdiş. Perêke de bazarê îmhakerdişê çeteyan û pero bîn de zî bi goreyê xo bikarardişê çeteyan. Çeteyî zî na rewşe ra hayîdar ê. Gefêy peyênî yê Emerîka ke reyna çekê kîmyewîyan ser ra ameyê rojdeme, çimşikitişê çeteyan rê yo. Emerîka vana ez şikena şima ney talûkeyê îmhabîyişî ra bixelesna. Herhalde çeteyan nan bi goşan nêwerdo.