Di daxuyaniyê de hate bîrxistin ku di 12'ê adara 2004'an de li hemberî Kurdan li Qamîşloyê komkujiyek pêk hat û wiha hate gotin: “Di bûyerên maça futbolê de derketin roja ewil 8 kesan jiyana xwe ji dest da. Merasîma cenazeyan a ku di 12'ê adarê de pêk hat jî rastî êrîşa hêzên Baasê hat. Di komkujiya Qamîşloyê de bi gîştî 29 Kurd, 4 Ereb, 19 polîs û leşker bi giştî 52 kesan jiyana xwe ji dest da û bi hezaran kes jî birîndar bibin."

Di daxuyaniyê de hate diyarkirin ku piştî komkujiyê di serhildanên pêk hatin de jî nêzî 2 hezaran kes hatin girtin û wiha hate destnîşankirin: "Kurd û dostên wan baş dizanin ku ev komkujî bûyerekî ji ber maça futbolê pêk nehat. Ev komkujî berê hate amadekirin û pişt re xistin dewreyê. Armanca rejîma Baasê ew bu ku kurên ji bo nasname, rûmet û statuya xwe têkoşînê didin bitepisînin."
Di dawiya daxuyaniyê de wiha hate gotin: "Komkujiya Qamîşlo tenê li Rojava na di dilê hemû Kurd û dostên wan de birînek e. Êşa wê dê bi me re bijî. Qamîşloyekî din teqez çênabe." 

DÎHA/ENQERE