Her çend encam û bandora bendavan a li ser xweza, çand, dîrok û ruhberan tê zanîn û pratîk û ceribandinan de hatine çespandin jî dîsa ÇED li hemberî vê yekê bêdeng dimîne û projeyên wan erê dike. Aktîvîstê Xwezaya Çiyayê Mûnzûrê Haydar Çetînkaya, li ser bendav û projeyên HES'ê yen ku li ser Geliyê Pilumoriyayê bên avakirin lêkolîn kir û raporek amade kir. Çetînkaya, der barê lêkolînê û raporê de agahî da û diyar kir ku rayedarên şîrketan van projeyan bi dizî û veşarî dixin meriyetê. Çetînkaya, da zanîn ku geyem bendav û projeyên HES'ê li geliye Pilumoriyayê tên avakirin û ji bo vê yekê jî bi welatiyên herêmê re hevditin hatine kirin. Çetînkaya, anî ziman ku dixwazin ji bo erêkirina projeyan ÇED raporên ku destûrê dide wa amade bikin.

'Bila her kes li dijî rapora ÇED'ê derkevin'
Çetînkaya, anî ziman ku perpirsiyariya wan a parastina xwezayê û li dijî bendav û HES'an hişyarkirina welatiyan heye û wiha got: "Ji bo ku çekirina bendav û HES'an bi welatiyên herêmê bidin erêkirin xebatê dimeşînin. Her wiha dixwazin raporê bi ÇED'ê jî bidin erêkirin. Pêvajoya projeyên HES'ê û bendavan yên li ser geliyê Pilumoriyayê didome. Ji bo projeyan bidin qebûlkirin ketine nava îknakirina gel û dixwazin ÇED jî raporê erê bike. Ji niha de di rojnameyên fermî û walîdiyê de îlan hatine dayîn." Çetînkaya, bilêv kir ku piştî ÇED'ê rapor amade kir û destûr da, dê dest bi îşnaatan bikin. Çetînkaya, ji her kesî xwest ku li hemberî rapora ÇED'ê bereken xwe bînin ziman û li dijî raporê derevin.
Çetinkaya, anî ziman ku dixwazin Regulatora Pilumoriya û HES li mewkiya Kirmizikopru ava bikin û wiha axivî: "Lê ev yek di raporê de wekî ku 2 kîlometre dûrî Kirmizikopru be tê xuyakirin. Weki ku di nava çemê Pilumoriyayê û çemê Haskarê de bê avakirin didin xuyakirin. Di projeya berê de jî li herêma Dokuzkaya li pêş çemê Dokuzkaya reglator ava kiribûn.


FERHAT ARSLAN - DÎHA/DÊRSIM