Erdnîgarîya komara Tirkiya sero yêy kê yê bînî yenê nîşandayiş zehfê. Tenê lazimo semed demokrasîyêk a mayinde bêrê têhet. Teydir rayera şêrê. Hêzê ku îktîdarê-îktîdar de semed cayê xo, semed menfîetê xo heme zilm û teda, ro hemine kene.
Na axa ma sero cuyen xora vatişêkê verînan: “Henî zilmî beyntarê erd û asîmanî/ezmanî pirê kerdo”. Ti wijdanêk, ti axlaqêk ,ti merdimahî nê qebûl nêkeno. Badê weçînayişê hewtê Hezîranî çiyêko nêardo serê şarêko tiya cuyeno çinyo. Merdim şikeno vaco senî kerdo! Banênê xo ra teberkewtişê qedexe kerdo. Nê rojêk nê di roj….
Reyke dardo we raynê qedexe ardo. Na di mengî zêdêrîyo ewna kenê. Gava teberkewtişê kuçan û kolanan qedexe kenê, bi hezaran tîmanê şerî bi çekanê giranan şiraweno zerê kolananê a qezay. Qezaya yew tenêy nê. Gimgim, Sûr, farqîn, Hênê, Licê Nuseybîn, Cizîr, Gewer û yêbîn….
Qaşo ro gêrîlanê PKK geyrenê. Badê her qedexê dekewtişê kolanan bi desan merdimê a qeza ameyê kiştiş. Tût-doman, kal, pîr, cenî û ciwan kam banê xora semed pêdivîyê-hewcetîyê, îhtiyaciya xo teberko amewo kiştiş-qetilkerdiş.
Êrîşê goristanan kerdo. Temamê dinya de, temamê olan û mezheban de goristanan de tay avahiy estê. Yene viraştiş.
Nê avahîy; cayo meyît tede bêro şitiş-paqijkerdiş. Cayo îbadet bêro kerdiş. Cayo Sitare. Wayirê meyîtî germ û serd ver xo bi reheti bipawê. Cayê ihtiyaciya xo bivînê, cayê desmajî. Enê cayî lazimo bêrê viraştiş. Nê çinêbê ê goristanî de nimcetî-kêmasî manen a. Lazimo ti kêmasî nêverdê.
Temamê goristanêko heştay yew bajaranê Tirkiya de estê pêroyinede nê estê. Hewcetiya. Nê çinêbê kêmasiya.
La mixabin ewro, semed nê goristananê made estê yenê xerepnayiş. Bi nê zilm û heqeretî heme şar pêhesyo.
Ewro bi desan goristanê ma ameyê tehrîbkerdişî. Nê avahiyêku lazimo bibê. Çinêbê nêbeno. Pêro bi gulê topan bi dînemêtan xerepnê.
Bi nê gulanê topan û teqnayişê dînemêtan pêro gorê-mezelê merdanê ma xerepyê, tehrîb biyê. Se vanê; nê cayan de piropoganda tevgerî yeno kerdiş. Wextêk meş û çalekiyande dirûşmê; “Koyan de megeyre PKK heme cada. Deştande, sûkande heme cayande ya.” Ewro ewnaya. Qendîl bombabaran kenê bi teyaranê şerî.
Temamê koyanê Kurdistanî yê Vakurî bombabaran kenê. Şaristanê kurdan, dewanê kurdan bombabaran kenê. Na duruşma ewro yena vînayiş-eysayiş.
Pêro şarê na erdnîgarî ser cuyen neyar vînen yê bîn vînen lazimo şar bêro teyhet. Yewîtiya xo xurt bikero. Tenê na yewîtî ma bena xelasîye. Weçînayişêko tenê jondes (11) rojî mend firsetêko. Lazimo ma nê des rojî şew û roj bixebetyime. Roja jondesine zî miqatê sindoqanê xobime. Sindoqanê made hîle û xurde nêbo.
Wexto ma kar û gurê xo bi ca biyarime mawo henî lez birisime mirad û mexsedê xo.
Nesîp GULTEKÎN