Serekê Şaredarîya Saînt-Denîsî ya Fransa Laurent Russîre merasîmêk de îzehetêk daye û aşkere kerde ke ê Hemsereka Şaredarîya Kerboranî ya Mêrdînî Zeynep Sipcika ke nika zîndan de ya sey şaredaraîya way û birayî weçînayî.
Reyna Russîre qiseykerdişê xo de dîyar kerde ke berê înan seba kurdan tim akerde yo. Merasîm de Temsîlkarê HDPyî yê Ewropa Eyûp Doruyî zî ard ziwan ke vatişê winasî seba înan zaf muhîm î û wina domna: “Vatişê winasî nîşan danî ke embazê ma yê zîndanan de tena nîyî.” Merasîm de nameyê Komeleya Kurdistanî ya Fransa ser o Sylvîe Jane zî va ‘kurd şarêko xoverdakar o’ û wina dewam kerde: “Yewna nameyê Kurdistanî xoverdayîş o. Ma do tim hetê dostê xo yê kurdan de bibî.”
PARÎS