Şandê Kulturî yo ke hetê ÎKK ra amay bî organîze kerdene roja ênî Berlîn de virazîya.Dest pêkerdena programî de moderator Lerzan Jandîlî xêr amayane dê meymanan û bi kilmek kar û gureyê nuskar Munzur Çemî ser o qesey kerd û qese da Munzur Çemî.
Çemî kitabê xo îmza kerdî
Birêz Çemî kî dest pêkerdene de bi hîre ziwanan (Kirmanckî, Kurmanckî û Tirkî) xêr amayene de meymanan û peycoy kitabanê xo ra çend hîkayê û meseleyî wendî. Wendîşê nuskarî ra dime, hevala Sevîmê kî hîkayeya ke nuskarî Şandê Kulturî de wende, na hîkaye kirmanckî ra çarnay bî ziwanê almankî û seba tayê goşdaran wende.
Peynîye de goşdaran persî pers kerdî û nuskar Munzur Çemî cewabê persan da, bi goşdaran derga derg sohbet kerd û seba heskerdoxanê ziwanê kirmanckî kitabê xo îmza kerdî. Bi bêşdar bîyena xêle heskerdoxênê kirmanckî û bi bêşdar bîyena xêlê nas û dostê nuskarî Şandê Kulturî bi eleqeyê de zaf rinde qedîya. ÎKK verîya nika kî şahîyeke organîze kerdbî.
WUSÊNÊ GESTEMERDE/BERLÎN