Serekê Grûba Komeleya Îslamî ya Kurdistan û Parlementerê Îraqî Ehmed Hacî Reşîdî 2 rojî verê Heleb de Salona Sara de semînerêk da û semîner de rotiş û herînayîşê mabênê Bexda û Herêma Kurdistanî girewt dest. Reşîdî badê semînere zî zanayîş da çapemenî.
Ehmed Hacî Reşîdî qiseykerdişê xo de wina bal ant ekonomîyê Bexda û herêma Kurdistan û wina va: “Nika herînayîş û girewtişê mabenê Bexda û herêma Kurdistan duşto ke xirab de yo. Seba raştkerdişê ekonomî heta nika heme hewldayîşê înan veng vejîya. Sebebê xirabîya rewşa nikayîn, hetê ekonomî de pênêkerdişê înan o. Maaşê karmendê herême nîno dayîş. Grûba bêxera PDK, badê hewldayîşê 4 partîyê kurdan ke Parlementoyê Îraqî de ca gênî, qanûnê maaşê karmendan qebul kerdî. La hukmatê Herêma Kurdistanî, qanûnî red kerd. Berpirsîyarê ekonomîya xirab Herêma Kurdistan û Bexda yo. Seba raştkerdişê ekonomîyî ganî çareserî bêro vînayîş.”
HEWLÊR