HENAR IBRAHÎM
ANHA/HESEKÊ
23 adara 1993î Hepisxaneyê Hesekêyî de şewatêko gird vejyabî, şewat de zî 25 ci Kurd, 60 kesê zafêr merdim cuya xo dabî, no şewat vera Kurdan sey qirkerdişêk yeno namekerdiş, çimkî Hepisxaneyê Hesekêyî de hepsê sîyasî mendînê, no hepisxane serra 1960î de bi yewîyeya Surîye û Misirî amebî ronayiş.
Endamê PYDî Şemsedîn Mele Îbrahîm, semedê siyasî ser o demê şewatî Hepisxaneyê Hesekêyî de mendo û şewatî ser o zî qise kerd û vat ke o semedê sîyasî ser o serra 1992î de Hepisxaneyê Hesekêyî de mendo û hetê Dadgeha Lejkerî ya Berz a Halepî ra ameya dariznayiş.
Mele Îbrahîm wina vat: “Serrê 90î de kam Kurd, Hereketa Azadî ya Kurd ra sempati nîşan bidaynê ameynê hepiskerdiş, ez zî seba koordînekerdişê şerwanan ser o ameya girewtiş. Peynîya Newroze roja 23 adare şewatêk vejîya, no dem Hepisxaneyê Hesekêyî de 5 beşê estbî, seba Newroze heme berê hepisxaneyî zî ameybî akerdiş. Ez zî seba pêvînayişê şîya beşê 5ine, boyêka eceb ameyne, hepsîyan sey serxoş bîyê, min zî persa qey rewşa şima winayin a, vatê; ma tiryak şuxilnayê. Roşanê Fisihî ser o Rayberîya Hepisxaneyî, hepsîyan ra desturê şuxilnayişê gazî dabî. Peynî berê hepisxaneyî ameyê girewtiş.”
Mele Îbrahîm aşkera kerd ke seba ke polîsan Alî Kasim berdê no ser hepsîyan destpê veşnayişê betanîyan kerdê, polîsan Alî Kasimî ra îşkence kerdê û peynî zî şewat gird bî û wina qedîna: “Vejyayişê şewatî ser o zaf hepsîyî jehrîyayê, polîsan beran ser ma girewtê û ma bi îmkananê xo beran bi şiknayişî akerdê. Seba cipersayişê şewatî, Şamî ra albayêk ameybî û demê cipersayişî min vat; şewatî polîsan vetê.”