Hukumat û dewleta AKP û medyayê AKP pîya şerê teybet raminenî.

Nê rojan de ser ciwanê ke, teybîyayîşê gerîlla benî ser înan weşanê lîşin-qiler- kenî.
Pêronê  înan eynî çîyo vanî, eynî çîyon nusnenî.
Yew merkez de nuşte û xeber yenî amedekerdiş, pêronê medya zî nê nuşte û xeberanê vila kena.
Serokwezîr eynî qalan keno, yardimkarê eyê eynî qalan keno,  qelemşûrê înan eynî qalan kenî.
Dezgeh eynîyo, tornê zî eynîyo.
AKP çend dayî û bawê gerîlla xapnena, wazena pê înan şerê teybet bido ramitiş.
La Şarê Kurd, Kemalîstê Kewe zê AKP weş şinasneno.
Zerê Kurdistanê de hukumato ke en zaf tutanê-domam- Kurd kiştî, hukumate AKP’yo.
Zerê Kurdistanê en zaf wextê hukumatê AKP’de tecawize tutanê Kurd bîyo.
Aye ke tecawize tutanê Kurd kenî zî giranî esker û polîsê AKP’yê.
Qezayê Çewlîg Bongilane-Solhan- de 8 eskere Tirk di ser pîser tecawize keynayê Kird E.A kerd.
La pêronê eskere Tirk serbest serbest gerenê. Heta nika yewê înan zî ceza nîgirewto.
La wexto ke dor yena tutanê Kurd ayê ke seba azadîyê Kurd û Kurdistan tekoşîn kenî, înan ra cezayek zaf pîl dana.
Înan ra yew zî Berxwedan o.
Arteşa Tirk 16-20 Kanunê 2011’ê de pê teyyaranê xo Koyê Gorsê yê Pîranê Amedê bomba kerd.
No bombakerdiş de Berxwedan birîndar bi. Dima ra Berxwedanê 16 serî û hevalek xo esîr kewnê destê dewleta Tirk a dagirker.
Dewleta Tirk a dagirker, tam 110 ceza dana Berxwedanê 16 serrî.
Emre Berxwdanê 16 serrî yo, cezayê ke dewleta Tirk a dagirker dawo 110 sera.
Yanî dewleta Tirk a dagirker gore emre tutanê Kurd 7-8 kat zêdeyîr ceza dana înan.
Xo ra ne Şarê Kurd ne zî tutanê Kurd dagirkerîya dewleta Tirk qebûl nîkenî.
Mehkeme dagirker yê dewleta Tirk zî qebul nîkenî.
Dewleta Tirk çiqas zulmê xo zêde kena, ewqas zî zêdeyîr ciwanê Kurd şinî ser koyê Kurdistanê.