KOBANÊ: Li Kobanê Tevgera Çand û Hunera Demokratîk li ber navenda Çand û Hunerê ya Baqî Xido daxuyaniyek da. Daxuyanî bi beşdariya dehan endamên çand û hunerê hate xwenidin. Di daxuyaniyê de 'şehîd Yekta' hate bibîr anîn  û hate gotin ku her sal Şehîd Yekta bi pêşkêşkirina şanoyan tê bibîr anîn û wiha hate domanîn: ''Em îsal şanoyan pêşkêş nakin ji ber ku niha di qadên berxwedanê de şanoyên rastî têne pêşkêşkirin. Dayîkên Kurd zarokên xwe yên di çemberên qehremaniyê de jiyana xwe ji dest dane dersên qehremaniyê didin hemû mirovahiyê.'' Di dawiya daxuyaniyê de şehîd Yekta ku bi xwe şanoger bû hate bîranîn û êrîşên çeteyan a li dijî Kobanê hate şermezarkirin.


GIRKÊ LEGÊ: Li bajarê Girkê Legê jî navenda Çand û Hunerê ya Aram Tîgaran şanoyek pêşkêş kir. beriya şano bê pêşkêşkirin beşdarvan bi deqeyek rêzgirtinê rawestiyan û piştre Endamê Tevgera Çand û Hunerê Xelîl Tehlo axivî û Berxwedêrê Kurd Yekta bibîr anî û berxwedana kobanê silav kir. Tehlo, bal kişand ser girîngiya şano û rola wê di pêşxistina hunera civakê de.
Piştî axafitnê Koma Şehîd Yekta ya Zarokan û koma Şehîd Hêvî 2 şano pêşkêş kirin. Di dawiya çalakiyê de raporek li ser jiyana şanoger û şehîd Yekta hate xwendin û Hunermend Eyhan Cizîrê stran pêşkêş kirin.

HESEKÊ: Li Hesekê jî bi tevlîbûna sedan kesî şahiyek hate lidarxistin. Şahî li navenda Çand û Hunera Demokratîk a li taxa Miftî hate pêşkêşkirin. Şahî bi rêzgirtinê destpê kir û piştre Qasim Qasim li ser jiyan û tekoşîna berxwedêr Yekta axivî û da zanîn ku jiyana xwe di nava berxewdana Kurdistanê de feda kir. Şahî bi şanoya Şehîd Malik a Koma Tolhildan û koma Şehîd Osman şano pêşkêş kirin.
Şahî bi pêşkêşkirina sinivizyona li ser jiyana berxwedêr Yekta û wêneyên wî bi dawî bû.

AMÛDÊ: Li bajarê Amûdê jî li gorî wesiyeta berxwedêr Yekta 3 şano li kolanên bajarê Amûdê hatin pêşkêşkirin. Bi sedan endamên koma Şehîd Yekta li meydana Çerxeriya Qamişlo kom bûn û berê xwe dan meydana Şehîd Cîhad, li vir şano hate pêşkêşkirin. Endamên Komê yên zarok jî şêranî li welatiyên li sûkê bûn belav kirin.
Piştre Endamê çand û Hunerê Hesen Fadil ji beşdaran axivî û berxwedêrê Kurd Yekta bibîr anî.

EFRÎN: Tevgera Çand û Huner ya herêma Efrînê li navenda xwe ya Efrînê merasîmek hate lidarxistin. Merasîm bi rêzgirtinê destpê kir û piştre Endamê Konfedresyona Xwendekarên Kurd ên Welatparêz Mihyedîn Erselan axivî û berxwedêrê Kurd bibîr anî. Piştre Endama Rêveber a Çand û Hunerê Zozan Qamişlo axivî û da zanîn ku ew ê heya dawiyêli ser xeta berxwedanê ya berxwedêr Yekta bimeşin. Merasîm bi pêşkêşkirina şanoyekê bi dawî bû.  


 NAVENDA NÛÇEYAN