Akademiya Şehîd Agirî a Perwerdeya Leşkerî a herêma Kobanê beriya 45 rojan dewreya perwerdeya 36 şervanên nû ya bi navê Şehîd Defrem dabû destpêkirin bi merasîmekê li Navenda Akademiyê ya bajarê Kobanê, bi dawî kir. Di dewreyê de şervanên nû di aliyê fikrî û leşkerî de hatin perwerdekirin.

Merasîma bidawîkirina dewreyê bi rêzgirtin dest pê kir û Piştre Endama Fermadariya Giştî ya YPG'ê Meysaa Ebdo axivî û bidawîkirina perwerdeyê li şervanan pîroz kir û girîngiya perwerdeyê di vê dema awarte ya ku Rojava têde derbas dibe anî ziman. Meysaa Ebdo berxwedana şehîd Defrem û hemû hevalên wî di şerê Til Hemîs de slav kir.
Ji aliyê din ve Serokê Desteya Parastin û Xweparastinê ya herêma Kobanê Ismet Hesen bidawîkirina perwerdeyê pîroz kir û diyar kir ku berxwedana şervanên YPG'ê ya li herêma Kobanê, riya azadiyê ye.
Di dawiya merasîmê de şervanan sûnd xwarin û nasnameyên leşkerî li wan hatin belavkirin. 

KOBANÊ