Peyniyê êrişî de 6 kesî bî dirbetinî û xeylê zirarê madî ame meydan. Ê êrişê bombeyin sera 16 rojî ravêrdî, la belê hewna bombekar hewna nêtepişiyayo. HDP û çoşmanê demokratîk êriş ra hukumetê AKP û Serokkomarê tirk Tayîp Erdogan mesûl girot. Hukumetê AKP jî badê êrişî îdîa kerd ki kesê êriş viraşto Savaş Yildiz ê 32 serîyo û endamê DHKC yo. La belê kesî emelê enê vatenanê AKP nêkerd û HDP jî vat ki, kesê AKP qalê ci kena, nezdiyê DAIŞ o. Çiyê o roj ra hetanî nika biyê jî, eno tespîtê HDP rast vejeno.
Goreyê vatenan kesê êriş viraşto bado şiyê Sûriye û DAIŞ miyan de ca geno. Namzeda HDP ê Adana Meral Daniş Beştaş derheqê êrişî de DÎHA rê qisey kerd û vist vîrî ki, hedefê êrişan, vera HDP viraştina komkiştenan bî. Daniş Beştaş ard ziwan ki peyniyê êrişî hukumetê AKP esto û vat: “AKP wazena verniyê girdbiyayişê HDP bigiro, la belê nêşena. AKP kerdoxê êrişê bombayin niminayna.Taniya jew fotraf mûsna ma. Bê jew fotrafî jû belge jî nêdaya ma. Oyo winî ayseno bombekar endamê DAIŞ o. AKP wayirê ê bombekarî vejiyaya, o nimito û kirîşto Suriye.”
DÎHA/EDENE