Buldan ard ziwan ke çîyê ke medya de vejyay heta nika nêameyî raştkerdiş û wina vat: “Nêy manîpulasyonê dewlet û hukimatî yî. Yeno zanayîş ke na ravêreyeya aştî û muzakereye bi vengdayîşê Birêz Ocalanî dest pê kerdbî û nêzdîyê 3,5 serr dom kerdbî. Semedê ke meclîsî de tay qanunî nêvejyay, ravêreye xetimyay. No semedî ra semedê averşîyayîşê ravêreyeye lazim o tay qanunî bêrî vetiş.”
Zaf keda birêz Ocalanî bî
Buldan dergeyîya qalîkerdişê xo de bal ant keda Birêz Ocalanî ser û wina verdewam kerd: “No ravêreye bi keda Birêz Ocalanî dest pê kerd û nêzdîyê 3,5 serre dom kerd. Semedê ke pêvînayîşî biagêrî muzakereyan zaf keda Birêz Ocalanî bî. Her çend ke xeylê babetî sero nîqaş amey kerdiş zî, mutabakat nêvirazya. Deklarasyonê ke 9 maddeyan ra pêk ameynê do semedê ravêreye hetkarîyekî gird bikerdênê. La bade îzehetê Dolmabaxçeye, ravêreye hetê serekkomarî ra werte ra ame hewanayîş. Dima zî xora cenazeyî amey. Sebebê tewr gird a nêvîyartişê muzakereyan, nêzdbîyayîşê hukimatî yo. Semedê rayna destpêkerdişê ravêreyeye, lazim o şert û merc bêrî bedilnayîş.”
Aktor birêz Ocalan o
Buldan ciresna ke nêy vatişê ke medya de vejyay, raştîya înan çin o û wina peynî kerd: “Demo peynî de tay medya de xeberê ke sey Ocalan, HDP û PKKe rixne kerdo vejyay. Xora 7’ê Hezîrane ra pey Birêz Ocalanî reyde pêvînayîş nêameyo kerdiş. Tewr peynî 5’ê nîsane de ma ci reyde pêvînayîş kerdbî. Aye wext Birêz Ocalan vat bi ke ‘yewna ray lazim o Heyeta Şopnaker zî şima reyde bêro û ma bivîyarî dema muzakereyan.’ Labelê pêvînayîşekî bîn nêvirazyay û raştîya vatişê medyaye çin o. AKP fek persgirêka kurdî ra veradaya. Aktorê nêy ravêreyeye Grava Îmralî de yo. No semedî ra lazim o pêvînayîşî rayna dest pê bikî û bivîyarî muzakereyan.”