Bi deyîranê xo paştî dana xoverdayîşê Sûrî

ZEYNEP TURGUT/WAN

Dengbêjîya herêma Serhedî bingeyê xo koçertî, eşq û şerî ra gêna. Kulturê dengbêjî bi vatişanê xo yê manayinan, hîsê komelî, xoverdayîş û şerî ganî tepişeno û beno sebeb ke heta roja ma ya ewroyî bêro. 

Cinîya bi nameyê Mukaddes Yildirime bi deyîranê xo piştî dana xoverdayîşê Sûrî. Babete ser o Yildirime qisey kerde. 

 Yildirime va ‘şarê Sûrî her tim vera zulmê dewlete de xover dayo’ û wina dewam kerde: “Sûr tarîx ra nata kulturê xo pawito. Nika zî bi destê dewlete yena rijnayîş. Xoverdayîşê Sûrî ameyoxa şarî yo. Ez vera xoverdayîşê înan de vileyê xo çewt kena. Wazenî bi rijnayîşê Sûrî, xoverdayîşê Sûrî bidî vîrîkerdiş. Herkes zano ke ti hêz nêşeno nê xoverdayîşî bido vîrîkerdiş. Tansû Çîllere zî vatbîye ‘ya do biqedîyo, ya do biqedîyo’ labelê kurdî nêqedîyayî, ê qedîyayî. Xoverdayîşê kurdan hîna zî dewam keno.”

Hedefê deyîran vîrînêkerdişê xoverdayîşî yo

Yildirime dewamê qiseykerdişê xo de wina va: “Mi deyîra xo seba ciwanê ke xover dayî, viraşt. Ê tarîxê ma birijnî zî ma do bi hunerê xo ganî bitepişî. Kura de îmkan bibo, ez deyîranê xo vana. Ez wazena wa haya herkesî nê xoverdayîşî ra biba. Şar nika seba ke nêvejîyo, xover dano. Ganî ma zî piştî bidî înan û wayîrê înan bivejyî.”