Welatijekê di destpêkê kampê AFADî de mendî wazenî bi awayek lez biagêrî welata xo. Welatijê di kampê AFADî de manenî seba feraseta dewlet û rayedarê AFADî bi gerrakarî. Welatijê Kobanê ardî ziwan ke di kampê AFADî de zey mehkûmê manenî û dorûverê înan bi lejkeran ameya dorpêçgirewtiş. Welatija bi nameyê Hawa Berawat (51) dîyar kerd ke xo bi zorê destê çeteyê DAIŞî xelas kerda û dema di verê sînor derbas bîya zî raştî hêrişê dewleta tirk ameya.
Hetanê YPG/YPJ bibo
Berawat da zanayiş ke dema ke a Kobanê ra ciya bîyo bi gerra ameya û bi xoverodayişê şerwanê YPG/YPJê bi bawer a. Berawat destnîşan kerd ke hetanê YPG/YPJê bibo kes nêeşkena bikewa welata ma. Berawat ard ziwan ke akerdişê berî zî nê bi keyfa dewleta tirk ameyaakerdiş û wina vat: “Dema berê sînor de amey, lejkerê Erdogan hêrişê ma kerdî. Bi xoverodayişê embaz û welatijê kobanêye ma berî akerdî.” Berawat îzeh kerd ke seba ke DAIŞ înan nêkişto, no ser dewleta tirk zî înan bi saetan ver berê sînor veradayo û wina vat: “Seba ca di konê embazan de nê mendbi ma nêçare mend û ma amey kampê AFADî. Kênayê ma zî hetê çeteyan yenî qetilkerdiş. Kêna min di mîyanê YPJê de çin o la lajê min est o. Kêna ma di Şorişa Rojawan finaka xoverodayişê yê. Ez bejna xo verê înan çewt kena. Ez omidara ke bi xoverodayişê şerwanê YPGê ma Kobanê xelas bikerî.”
Beşdar YPGê biba
Welatija bi nameyê Nejla Îbo (18) ciresna ke mêrdeyê a di mîyanê refê YPGê de welata xo pawiyeno, a û kêna xo Vîyan a 4 aşma amey Pirsûse û wina dewam kerd: “Ez û kêna xo zî ma şîrê Kobanê û di mîyanê şerwanê YPGê de welata xo bipawî. Ez bi kêna xora amey noca la çewê min di noca de çin o. Eke kêna min Vîyan çinî bînê ez qet nêameynê noca.”
Wazena beşdar bibo
Nejla Îbo wina peynî kerd: “Hewna zî ez wazena biagêra Kobanê û di mîyanê çeperê embazan de biba. Ma ser axa xo ameygirewtiş, dewletê ma vistê di bin destê xo. Kêna û camêrdê ma gelek zî kewtê destê dewletê û destê xo ver înan nêontî. Bila ciwanê ma şîrê Kobanê û welatê xo verba çeteyê DAIŞî bipawî. Dem nê dema roniştişî yo. Wa şarê ma yê Kobanê heme şîrê welata xo. Êdî şerwanê ma ver bi xelisnayişê şonî û no ser ma zaf keyweşî.”
RIHA / DÎHA