Beştaş ciresna ke cenazeyêy ke hîna zî yenîy vindarnayîş hemverê kurdan polîtîkaya ecizkerdiş o û wina domna: “Waştişê aştî ya şarekî waştişê şerî ra vîşêr o. Ger ke yew ca de tayîn aştî wazenîyse, weyra de peynîya peynî de do êy ke aştî wazenî qezenç bikerîy.”
Îmha eşt dewre
Beştaş ard ziwan ke konsepta ke hukimat vernîya weçînayîşî de dest pê kerdbi hîna zî domyeno û wina vat: “Aye wext bi seyan buroyê ma raştê hêrişan amey.
Tena semeda ke merdimî mîyanê xebatê partîya ma de ca girewtîy amey qetilkerdiş. Mîtîngê ma amey bombekerdiş. Nînan de tena yew armancê AKPî estbi aye zî şer dayîşê destpêkerdiş bi. Weçînayîşî ra dima hukimat xo seyî hukimato korsan îlan kerd û kesêy ke hemverê nînan vecya zî amey tehdîtkerdiş. Êy ke adirbest xirab kerdo AKP bi xo ya.
Eyro bi polîtîkayanê xo wazenîy şerê ke kenîy seyî meşru nîşan bidîy la êdî ti kes nêy zuranê înan ra bawer nêkeno.
Bi înfazkerdişê bê dadgeh çi persgirêka kurd çareser beno, çi zî AKP eşkena biba desthilatdar.”