Di maçê de rakîbê xo rey de têkoşînake dijwar da la nêeşkîya şampîyon bibo la belê peynîya maçê Yakup Kaya peyama biratî û dostî da.
Formayê Kurd
Belkî maçê namdarî muhîm bi la belê esil muhîm peyamê Yakup Kaya bi. Zey sewbî ciwanê kurd, hêrişekê çeteyê DAIŞî ser Kobanê kenî, tesîrê Yakup Kaya zî kerdbi. Kaya peynîya maçê vat ke ê ser xo kerdişê formayê ser zaf rûmdar o û wina vat: “Ez maçê bi fikrîyayişê Kobanê vejîyayo. Ser xo formayê kurd kerdiş û verê temaşewanê ver vejîyayiş, min ra rewşake rûmetî bi. Her kes eşkeno di heqê ma de bifikro la ma xo dîyar kerdî. Çimkî cewherî ma ayo. Kesekê ma înkar kenî qet karê ma nê kesan nêbo. Qewimyayişê Kobanê min de ramaneke têmîyan viraşt, finak xemgînê, hersî û sewbî ramanan. Min zî bi nê ramanan vejîyaya ser rîngê. Êdî nika ra pey kesekê cephe û cayê ya dîyar nêbo seba min kurd nîyo.”
Çimeyê heşmî ya
Ermenij Harut Grîgorîan di şaxê boksê Taî de yew numara yo la mamosteye Harut Grîgorîan zî Ahmet Coşkun o. Coşkun di Antwerpern de xo ra aîd yew dibistan de zî domanan ra dersê Taî dano.
Ahmet Coşkun vejîyayişê rînge yê Yakup Kayayî bi formaya kurd bi coş dona famkerd: “Min dema Yakupî bi formayî kurd rînge vejîyayişî di, no demî ez zaf bi heycan bîya. Min bixo vat seke ez şaş yew quncikî de ya. Ona resayişê ciwanê kurd çimeyê heşmî ya. Ez zî bi îmkanê xo ona resayişê ciwanan destê min ra çi bêro se do ez bikera. Ganîyo ke heme ciwan û kurdan dorûverê Şorişa Rojawan yew bibî.”
Di Ewropaye de kulubê sporî yê kurd, binê awanîya Kurdspor de kom bîyê.
GENK