Bi serran verî peynî zewijyayişî Xedîce Yusîv Kobanê ra ame, peynîya hêrişê çeteyê DAIŞî zî bi mêrdeyê xo de Kobanê terk nêkerd û nika di Kobanêye de manena û a zî zey bi hezaran kobanêyijî parçeya xoverodayişê ya sivîlî bi. Xedîce Yusîv dîyar kerd ke a zaf berîya di Kobanê de roje biratîyê kerda û vat ke ganî kobanêyijke Kobanê ra şîyê, ganî Kobanê ra tepa biagêrî û wina vat: “Mêrdeyê min Mahmud Salîh Kurd o û ma nê 15 serrake zî zewijyayî la çi heyfo ke domanê ma nêbî. Di Kobanê de peynîya şorişe cuyayişê ma bedilya. Her çik hîna weş bi, ma tade û zilmê rejîm ra xelisyay la peynî hêrişê çeteyê DAIŞî destpê kerd û ma verba nê çeteyan têkoşîn danî.”
Yusîv destnîşan kerd ke peynîya hêrişê çeteyê DAIŞî ciranê ma daxîl di zaf hûmarîy de kobanêyijî, Kobanê terk kerdî la a û mêrdeyê a Kobanê terk nêkerdî û wina donma: “Ma qet nêfikiryaye ke ma Kobanê terk bikerî. Mêrdeyê min zî zatî asteng o û no ser zî ma nêwaştî teberî Kobanê cuyayişê bextwaştoxî de biciwî. Cuyayişê bextwaştoxe ra se ez bimra hîna weş a. Ez û merdeyê xo ma nêwaştî ma Kobanê terk bikerî.”

Bi biratî de cuyayiş
Yusîv aşkera kerd ke peynîya şorişe di Kobanê de pergala edelet û zeypêyî înşa bi û wina dewam kerd: “Na pergale Apogeran înşa kerdî û ez zî înan ra zaf spas kena, nika di Kobanê de yew pergal est a û no ser zî ez nêwazena Kobanê ra cîya biba. Apogeran ma bi fedakarî û bedelan pawitî û pawiyayişê xo zî domnenî. Ez yew ereb a la Kobanê zaf hes kena, çimkî di noca de ma cuyayişêke bi hembar cuyenî. Ez şarê kurd ra zaf razî ya. Hetanê nika qet min ra yew nêzdîbîyîşê ciyakerdişî nêşuxulnay. Kurdan seba şarê ereb hetanê nika qet yew fikrî leymin nêşuxulnay. Ez ciranan xo zaf hes kena û berîya înan kena, ganî bi lezî Kobanê ra biagêrî.”Yusîv ard ziwan ke peynîya hêrişê çeteyê DAIŞî di Kobanê de cuyayiş hîna zehmet bîya, di kûçeyê min de zaf kes nêmend û no ser zî taybetî ez zehmetîya na rewşe vînena û wina vat: “Topeke çeteyê DAIŞî ser ma erzenî, nê topan seba cuyayişê ma zaf bi telukeyî. Werdiş û germbîyîş ser hukûmata Kobanê lazimeyê ma vînena. Di rewşa weşî de tikey pirsgirêkê ma est o. Tena ez wazena çeteyê DAIŞî axê ma ra bêro vetiş û zey verîn ma di Kobanê de biciwî.”Yusîv ciresna ke di nika malbata a Cerabluse de binê telukeya çeteyê DAIŞî cuyenî, qet malbat û şarê ereb çeteyan nêwazenî, şarê kurd û ereb birayê yewnan î û qet çeteyê DAIŞî nêeşkenî no biratîyê xirab bikerî û wina domna: “Ganî kobanêyijke Kobanê ra şîyê, Kobanê ra tepa biagêrî. Ez veng dana, Kobanê tepa biagerî, roj ke do nê çeteyan têk şîrê û Kobanê ra biremî. Şima zî bêrî ma hêzê YPG/YPJî ra hetkarî bidî û nê çeteyan axê ra bivejnî.”

Hewna mêrdeyê Xedîce Yusîvî, Mahmut Salîm zî îzeh kerd ke do têkoşîna Kobanê serfiraz bibo û wina peynî kerd: “Eke ez astengdar nêbîya, ez tesilî beşdarî şerî bibîynî. Na têkoşîna têkoşîneke firaz a, qet nêfikrîyaya ez no axê terk bikera. Ma YPG/YPJî ra bawer kenî û ma hetanê peynî di noca de bimanî.”

ANF/ KOBANÊ