Bi vengê xo yo xurt serkêşîya çalakîyan keno

ROZANA DADO / ANHA / HELEB

Bi nameyê Selah Dilovano ke pêşkêşvanî keno, heta nika Efrîn, Heleb û Kobanê zî tede çalakîyanê xeylê cayan de bi vengê xo yo xurt, bîyo serkêşê çalakîyan. Dilovan qezaya Raco ya Efrînî de ameyo dinya û 18 serrîya xo ra dima dest bi wendişê şîîre û pêşkêşîye kerdo.

Dilovan serra 1994î de grûba Derwîşê Ebdî de cayê xo girewto û dima ra grûbanê Sîmav û Agirî de zî karê xo yê hunerî kerdo. Şorişê Rojawanî ra ver Dilovanî xebatanê xo bi hawayo nimitkî kerdêne û bitaybetî pîrozkerdişê Newrozan de pêşkêşvanîye kerdêne. Wextê destpêkê şorişî de zî Taxa Şêxmeqsûdî de karê kultur û hunerî kerdêne. Dilovanî şîîrê Kurdî û Erebkî nuştî. Dilovan êdî herême de bi vengê xo yo berz û şîîranê xo yeno naskerdene.